Johan 8:39 - Tedim Bible Revision 2017

³⁹ Amaute in, “Koteʼ pa Abraham ahi hi,” ci-in a dawn uh ciangin Jesu in, “Abrahamʼ tate taktak hi le-uhcin Abrahamʼ gamtat bangin na gamta ding uh hi.

Tedim Bible

³⁹ Amaute in, “Ka pa uh Abraham ahi hi,” a ci uh hi. Zeisu in zong, “Note in Abraham’ suan na hih uh leh, Abraham gamtat bangin na gamta ding uh hi.

Johan 8:39 Iomraidhean Croise

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Johan 8:33

amaute in, “Kote Abrahamʼ suanlekhakte ka hi uh a, cikmahin kuama salin ka omngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Johan 8:37

Note pen Abrahamʼ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:56

Noteʼ pupi Abraham in keima hun a tun ding lawp mahmah a, amah in tua hun mu-in nuam mahmah hi,” ci-in a dawng hi.

ROM (Romans) 4:12

A vun a ki-at ma-in i pupi Abraham a upna hangin a gamtat mah bangin a gamta, a vun a ki-at mite adingin zong Abraham pen pupi mah ahi hi. Tua pen vun ki-at lelna hang hi loin upna hang ahi hi.

ROM (Romans) 4:16

Tua ahih manin Abrahamʼ suanlekhakte khempeuh tungah Pasianʼ hehpihna piakkhong a suah theih nadingin Thukham a zuite bek in ngah loin, Abrahamʼ up bangin a umte in zong a ngah theih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuhʼ pupi ahi hi.

ROM (Romans) 9:7

Abrahamʼ suanlekhak khempeuh zong Pasianʼ tate hi kim lo hi. Pasian in Abraham kiangah, “Na ta Isaacʼ suanlekhakte bek nangma suanlekhak-in kisim ding hi,” ci hi.

Galati 3:29

Khris tawh na kipawl nak uh leh Abrahamʼ suante na hi ta uh a, Pasianʼ hong khap thute a ngah ding na hi uh hi.

Galati 3:7

Tua ahih manin Abrahamʼ suanlekhak a man taktak i cihte pen upna a nei mite ahihna thu na theih ding uh ahi hi.