Johan 8:24 - Tedim Bible Revision 2017

²⁴ Kei pen, ‘Kei ka hih lam na hong up kei uh leh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Tedim Bible

²⁴ Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 8:24 Iomraidhean Croise

Paikhiatna 3:14

Pasian in Moses kiangah, “Keimah in Keimah ka hi hi,” ci hi. Tua ciangin Pasian in, “Israel mite tungah hih thu genin, ‘Keimah a kici pa in note kiangah kei hong sawl hi,’ ci in,” a ci hi.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

Mattiu 24:5

Bang hang hiam cih leh keimah a kineih mi tampi hong pai dinga, ‘Kei, Khris ka hi hi,’ ci-in mi tampi tak um khialsak ding uh hi.

Marka 13:6

Keima min pua-in mi tampi hong pai ding uh a, ‘Keimah, Khris ka hi hi,’ ci-in mi tampi a khem zo ding uh hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Luka 21:8

Jesu in, “Kidawm unla, miʼ khem sa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khris ka hi hi; a hun hong tung ta hi,’ hong ci ding uh hi. Tua bang miteʼ nung zui kha kei un.

Johan 13:19

Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Johan 3:18

Amah a um mite in mawhsak thukhenna thuak lo ding uh hi. Amah a um lote pen Pasianʼ Tapa neihsun um lo uh ahih manin mawhsak thukhenna a thuak khinta uh ahi hi.

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

Johan 4:26

Jesu in, “Tu-a nang tawh a kiho keimah pen tua na gen pa ka hi hi,” a ci hi.

Johan 8:21

Tua ciangin Jesu in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina ah note na hong pai thei kei ding uh hi,” a ci hi.

Johan 8:25

Tua ciangin amaute in, “Nang kua na hi hiam?” ci-in a dot uh ciangin Jesu in, “A kipat cil a kipan ka hong gen sa mah ka hi hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 8:58

Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.