Johan 8:11 - Tedim Bible Revision 2017

¹¹ numei in, “Topa aw, kuamah in thu hong khen lo hi,” ci-in a dawng hi. Tua ciangin Jesu in, “Kei zong nang tungah thu kong khen kei hi. Ciah inla, mawhna bawl nawn kei in,” a ci hi.)

Tedim Bible

¹¹ Numei in, “Kuamah in hong khen lo hi, Topa aw,” a ci hi. Zeisu in, “Ke’n zong kong khen kei ding hi. Pai in la, a nung ciangin na mawh nawn kei in,” a ci hi.

Johan 8:11 Iomraidhean Croise

JOB (Job) 34:31

“Job aw, Pasianʼ tungah na khialhnate pulakin na khialh nawn loh nading thu ciam nai lo na hi hiam?

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Isaiah 55:6

A kimuh theih hun lai-in Topa zong unla amah a nai om lai-in thu ngen un.

Luka 13:3

Hi lo hi. Keʼn kong cih in ah, na mawhna panun na kisik kei uh leh amaute mah bangin note zong na si ding uh hi.

Luka 13:5

Hi lo hi. Keʼn kong cih in ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Luka 15:10

Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Luka 15:7

Tua mah bangin kisikkik ding a kisam lo mihoih sawm kua le kuate tungah lungdamna sangin mawhnei mi khat a kisikna hangin vantungah lungdamna lian zaw ding hi,” a ci hi.

Luka 5:32

Mihoihte a kisik nadingun a sam dingin hong pai ka hi kei a, mite in a pampaih mite a kisik nadingun a sam dingin a hong pai ka hi hi,” ci-in a dawng hi.

Luka 9:56

Tua ciangin khua dang khat ah a paisuak uh hi.

Johan 18:36

Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 5:14

Tua khit ciangin Jesu in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a sia zaw khat na thuak ding hi,” a ci hi.

Johan 8:15

Thu a thei lopi-in kei na hong mawhsak uh hi; ahi zongin keʼn kuamah ka mawhsak kei hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawk kha loin, a migitna, a lungduaina, a hong thuaknate neu ngaihsut kha na hi uh hiam?

1 KORIN MASA 5:12

Tua bang a pualam mite mawhsakin thu ka khen ding keiʼ nasep hi lo hi. Pasian in amauteʼ thu khen ngawn ding hi. Ahi zongin note in na pawlpih uh mite tungah thu na khen ding uh ahi hi. Lai Siangtho in, “Note lak panin migilo pa na la khia un,” na ci hi.

Thu-hilhkikna 16:18

“Na minam uh tawh kizui-in Topa na Pasian un note hong piakna khuate ah thukhente le uliante na koih ding uh a, amaute in a manin mite tungah thu khen ding uh hi.

Thu-hilhkikna 17:9

Levi siampite le tua huna thukhente kiangah pai-in thu na dong ding uh a, amaute in note kiangah thukhen nading hong gen ding uh hi.

2 PETER NIHNA 3:15

I sanggam Paul in Pasianʼ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngah theih nading uh hun hong piakna-in Topa hong zekai ahihna thu na phawk un.