Johan 7:51 - Tedim Bible Revision 2017

⁵¹ amah in, “Mi khat peuhmah a thu dongin ama gamtatnate i theih masak mateng mawhsakna thu i khen ding pen i Thukham tawh kituak lo hi,” a ci hi.

Tedim Bible

⁵¹ “Eite Thukhamna in mi thu za a, a gamtatna thu a theih ma-in a thu khen thei hiam?” a ci hi.

Johan 7:51 Iomraidhean Croise

Paikhiatna 23:1

“Thuman lo na gen khia kei ding uh hi. Elna tawh teci pang dingin migilo pa tawh na kipawl kei ding uh hi.

Paunak 18:13

A thu za khin nai lopi-in dawnkikna pen haina le maizumna ahi hi.

Gamlak-vakna 35:30

Khatpeuh in mi khat a thah leh, teciteʼ genna siksanin mi that pa kithat ding hi. Ahih hangin teci khat bekʼ teci panna siksanin kuamah kithat lo ding hi.

Sawltak 23:3

Paul in, “Leikang tawh a kizut kulh tawh a kibang pa aw, Pasian in nang hong beeng gawp taktak ding hi. Keimah thusitna ah Thukham a zui ding pa hi napi-in Thukham zui loin kei hong kibet nadingin thu na pia hi,” a ci hi.

Thu-hilhkikna 1:17

Thukhenna ah angvan tuam na nei kei ding uh hi. A neu le a liante a kibangin a thu na ngai ding uh a, maitang zahtak tuam na nei kei ding uh hi. Bang hang hiam cih leh thukhenna pen Pasian-aʼ ahi hi. Note adingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Thu-hilhkikna 17:6

Teci nih ahih kei leh thum bang genna tawh a si ding pa kithat dinga, teci khat bek thugenna tawh mi kithat lo ding hi.