Johan 7:42 - Tedim Bible Revision 2017

⁴² Khris i cih pen Davidʼ suan hi dinga, Davidʼ suahna Bethlehem khua ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Tedim Bible

⁴² Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Johan 7:42 Iomraidhean Croise

1 KHANG TANGTHU MASATE 2:51

Bethlehem khuapi a sat Shalma le Beth-gader khuapi a sat Haref ahi uh hi.

Late 132:11

Topa in a pelh loh ding kiciamna taktak khat David tungah kiciam a, “Nangʼ sung pan a na tate khat na kumpi tokhom tungah ka koih ding hi.

Late 89:4

‘Na suan na khakte kumpi-in ka kipsak dinga, na kumpi gam khang tawntungin ka kipsak ding hi,’” na ci khin hi.

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Mattiu 1:1

Abrahamʼ suan David, Davidʼ suan Jesu Khrisʼ khang ciaptehna hih bang ahi hi.

Mattiu 2:5

Amaute in, “Kamsang pa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua ah suak ding hi,” ci-in a dawng uh hi.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Luka 2:4

Josef zong Davidʼ suante khat ahih manin Galilee gam sung Nazareth khua panin Davidʼ suahna khua ahi Judea gam Bethlehem khua ah a pai hi.

Johan 7:27

Tua ding lah, hih mipa hong pian khiatna i theih hi a, Khris hong pai ciangin ama pian khiatna kuamah in a theih ding hi lo hi,” a ci uh hi.

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolh khitna mu napi-in Saulʼ hangin bang tanvei dah ding na hi hiam? Na sathau biing ah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-aʼ ding kumpi khat ka la khin hi,” a ci hi.

1 SAMUEL MASA 16:18

Tangvalte khat in dawngin, “En un, Bethlehem mi Jessiʼ tapa, a tumsiam, a thahat, a galhang mi, thugen a siam, a om nuam mi khat ka mu a, Topa in amah a ompih mi khat ahi hi,” a ci hi.

1 SAMUEL MASA 16:4

Topaʼ thupiak bangin Samuel gamta-in Bethlehem ah a pai hi. Tua khuapi upate a liing sa-in amah a dawn dingin hong pai uh a, “Thuhoih a hong pai na hi hiam?” a ci uh hi.

1 SAMUEL MASA 17:58

Saul in ama kiangah, “Tangvalpa aw, kuaʼ tapa na hi hiam?” a ci hi. David in dawngin, “Bethlehem khuami na nasem pa Jessiʼ tapa ka hi hi,” a ci hi.