Johan 7:4 - Tedim Bible Revision 2017

⁴ Miteʼ theih ding a ut pa in a simthamin na sem ngei lo hi. Hih bangin na semsem na hih manin na sepna thu mi khempeuh theisak vet in,” ci-in zahpihna tawh thu gen uh a,

Tedim Bible

⁴ Bang hang hiam na cih leh, mite kiangah a kithei nuampa in a kilang lona sungah bangmah a hih kei hi. Hih nate na bawl leh, leitungah na pumpi na kilangsak in,” ci-in a gen uh hi.

Johan 7:4 Iomraidhean Croise

1 KUMPI MASATE 22:13

Tua ciangin Mikaiah a sam dingin a pai kamtai pa in ama kiangah, “Thu kikhatin kamsangteʼ thugen pen kumpipa adingin a hoihlam ahi hi. Amaute bangin nang zong gen inla, a hoih lamin gen in,” a ci hi.

Mattiu 23:5

Amaute in a sepna khempeuh uh miteʼ muh theih dingin a hih se uh hi. Amaute in a talsuan le a banbulhte uh a gol pipi-in bawlin, a puan mongteep uh a sau theithei-in a bawl uh hi.

Mattiu 4:6

“Pasianʼ Tapa taktak na hih leh Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitah khak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuak suk in,” a ci hi.

Mattiu 6:16

“An na tan uh ciangin a kineihkhem mite bangin mai khingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan thaman uh a ngah khinta ahih lamtak limtakin thei un.

Mattiu 6:5

“Note in thu na nget uh ciangin miteʼ muh theih dingin a kineihkhem mite in kikhopna inn sung le kongzing lamka lai ah a nget nop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Luka 6:45

Mihoih pa in a lungsim sunga thuhoih om teng hong suah khia a, migilo pa in a lungsim sunga a gitlohna teng hong suah khia hi. Bang hang hiam cih leh mite pen amauʼ lungsim sunga a om bangbang a hong pau khia uh ahi hi.

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Johan 7:3

ama sanggamte in Jesu kiangah, “Na nung hong zui mihonte in na nasepna a muh theih nadingun hih lai panin pai khia-in Judea gamah va pai in.

Johan 7:5

ama sanggamte mahmah in zong Jesu um lo uh hi.