Johan 7:31 - Tedim Bible Revision 2017

³¹ Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Tedim Bible

³¹ Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 7:31 Iomraidhean Croise

Mattiu 12:23

Tua ciangin mi khempeuh in lamdang sa mahmah uh a, “Hih pa, i lam etet Davidʼ suan hi lo ding ahi hiam?” a ci uh hi.

Luka 8:13

Suang kitawphah leilak a tukna munte pen Pasianʼ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawl khat sung bek um uh a, ze-etna hun a tun ciangin a puk uh hi.

Johan 11:45

Tua ahih manin Mary kiangah hawhin Jesuʼ hihna a mu Jew mi tampi in amah a um uh hi.

Johan 12:42

Tua bang hitaseleh Jew mi ulian tampi in Jesu a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin gen khia ngam lo uh hi.

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Johan 4:29

“Hong pai un. Ka gamtatna sa a hong thei pa va en ni. Amah Khris hi kha ding hi,” a va ci hi.

Johan 4:39

Tua numei in, “Ka gamtatna sate khempeuh hong thei hi,” ci-in a thugenna hangin tua khua sunga om Samaria mi tampi tak in Jesu a um uh hi.

Johan 6:2

Jesu in cinate damsakin nalamdang lian pipi a bawlte mi tampi in mu khin uh ahih manin mi tampi tak in Jesu nung a zui uh hi.

Johan 7:26

Tua hi napi, mihon lakah thu gengen napi-in kuamah in bangmah cih lo uh hi. Uliante in Khris hi, ci-in theihtelna nei uh hi ding hiam?

Johan 9:16

Farisi mi pawl khat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawl khatte in, “A gamta khial mi in bang hangin hih bangin nalamdang bawl thei ding ahi hiam?” ci leuleu ahih manin miteʼ ngaihsutna kituak lo hi.

Sawltak 8:13

Simon mahmah in zong um a, tui a kiphum khit ciangin Filip zui tawntung a, lim le nalamdang lianpipite a bawl a muh ciangin lamdang a sa mahmah hi.

Jeim 2:26

Tua ahih manin hu a diik lo, hu a sang lo pumpi pen a si ahih mah bangin sepna tawh a kizom lo upna zong a si ahi hi.