Johan 7:30 - Tedim Bible Revision 2017

³⁰ Tua ciangin amaute in Jesu mat ding hanciam uh hi; ahi zongin ama hun tung nai lo ahih manin kuamah in va su lo hi.

Tedim Bible

³⁰ Tua ahih ciangin amaute in Topa mat nadingin a vaihawm uh hangin ama hun tung nai lo ahih ciangin, kuamah in ama tungah khut a nga kei hi.

Johan 7:30 Iomraidhean Croise

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Mattiu 12:14

Ahi zongin Farisi mite paikhia uh a, Jesu a thah theih nading uh vai a hawm uh hi.

Mattiu 21:46

Jesu a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Marka 11:18

Siampi liante le Thukham hilh siate in hih thu a zak uh ciangin Jesu a thah theih nading uh lampi a zong uh hi. Ahi zongin mihonpi in ama thuhilhna lamdang sa uh ahih manin amaute in Jesu a kihta uh hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Luka 22:53

Nisimin biakinn ah note tawh ka om khawm a, bangmah nong cih kei uh hi. Ahi zongin hih hun pen nomauʼ hun hi a, khuamial sung a uk Satanʼ vangliat hunsung ahi hi,” a ci hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 10:39

Tua ciangin amaute in Jesu mat sawm uh hi; ahi zongin amauteʼ khut sung panin Jesu a suakta hi.

Johan 11:57

Bang hang hiam cih leh siampi liante le Farisi mite in Jesu a mat theih nadingun, “Jesu a omna a thei na om uh leh hong ko un,” ci-in thupiakna nei khinzo uh hi.

Johan 7:19

Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Johan 7:32

Hih bangin mihonpite a kihona thu Farisi mite in za uh ahih manin amaute le siampi liante in Jesu a man dingin biakinn cing palikte pawl khat a sawl uh hi.

Johan 7:6

Ahi zongin Jesu in, “Kei adingin pai ding a hunhoih hi nai lo hi; ahi zongin note adingin a hunhoih hi tawntung hi.

Johan 7:8

Tua ahih manin pawi siim dingin note va pai un. Kei adingin a hunhoih hi nai lo ahih manin kei ka hong pai kei ding hi,” ci-in dawng a,

Johan 8:20

Jesu in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Johan 8:37

Note pen Abrahamʼ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesu a gel khia hi.

Johan 9:4

Sun khuavak lai teng kei hong sawl paʼ na i sem ding hi. Kuamah in na a sep theih loh zan hun zong hong tung ding hi.