Johan 7:20 - Tedim Bible Revision 2017

²⁰ Tua ciangin mihonte in, “Dawivei hi teh! Kua in nang thah hong sawm ahi hiam?” a ci uh hi.

Tedim Bible

²⁰ Mihonpite in, “Nang dawilawm nei na hi hi. Nang thah dingin kua in hong zong ahi hiam?” a ci uh hi.

Johan 7:20 Iomraidhean Croise

Mattiu 10:25

Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawl khia hi lel hi,” a ci uh hi.

Mattiu 9:34

Ahi zongin Farisi mite in, “Dawimang lian pen pa min tawh hih bangin dawi a hawl khia ahi hi,” a ci uh hi.

Marka 3:30

(Mi pawl khatte in, “Jesu in dawi vei hi,” ci uh ahih manin hih bangin thu a gen ahi hi.)

Johan 10:20

Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Johan 8:49

Jesu in, “Kei dawivei ka hi kei hi. Keimah in ka Pa ka zahtak bawl a, ahi zongin note in kei nong simmawh bawl uh hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hi ta hi. Na pil sinna teng in mihai hong suaksak ta hi,” ci-in nakpi takin a kiko hi.