Johan 7:16 - Tedim Bible Revision 2017

¹⁶ Tua ahih manin Jesu in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Tedim Bible

¹⁶ Tua ciangin Zeisu in, “Ka thuhilhna in keima thu ahi kei hi; kei hong sawlpa’ thu ahi hi.

Johan 7:16 Iomraidhean Croise

Johan 14:10

Kei pen Pa tawh pum khat ka hih lamtak um lo na hi hiam? Note tungah kong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 14:24

Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 3:11

A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 3:31

“Vantung pan hong pai pa pen a dang khempeuh sangin lian zaw hi. Leitung panin a piang mi pen leitung mi hi a, leitung thute bek mah a gen hi. Tua ahih manin vantung panin a hong pai pa ahihleh a dang khempeuh sangin a lian zaw ahi hi.

Johan 5:30

“Keima thu guak tawh ka hih theih bangmah om lo hi. Pasianʼ hong genna bang bekin thu ka khen hi. Keima ut bangin sem loin kei hong sawl paʼ deih bangin sem ka hih manin ka thukhenna thuman hi.

Johan 6:44

Kei hong sawl Pa in a kaih loh mite ka kiangah hong pai thei lo dinga, ka kiangah hong pai mite nitawp ni ciangin ka hingsak ding hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

2 JOHAN NIHNA 1:9

Khrisʼ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

Mangmuhna 1:1

Hih laibu pen a piang baih ding thute, Pasianʼ nasemte tungah a lah dingin Pasian in Jesu tungah a thu pia a, Jesu in mang sungah a lah thute ahi hi. Khris in ama vantungmi sawl a, a nasem pa Johan kiangah hih thute a kilangsak hi.