Johan 6:9 - Tedim Bible Revision 2017

⁹ “Hih lai ah mangbuhham kibawl anlum nga le ngasa tawn nih sun-an a pua tangval khat om sam hi; tuate lah mihing hi zah lakah cihtaak ding ahi hiam?” ci hi.

Tedim Bible

⁹ “Hihsan takah khomun pum nga leh nganeu tawn nih a nei naupang khat a om hi. Ahih hangin mi hizah tak a tam lakah hih khomun leh ngasa nih in bang tham hi ding hiam?” a ci hi.

Johan 6:9 Iomraidhean Croise

1 KUMPI MASATE 4:28

Amauʼ nasep ciat tawh kizui-in a kisapna munah sakolte le sakol zaptelte adingin mangbuhham le buhtu zong paipih uh hi.

2 KUMPI NIHNATE 7:1

Ahih hangin Elisha in, “Topaʼ thu za in. Topa in hih bangin ci hi: Zing ciang tu bang hunin Samaria kulh kongpi ah annel lawh khat shekel khatin kizuak dinga, mangbuhham lawh nih shekel khatin kizuak ding hi, ci hi,” a ci hi.

Late 147:14

Amah in na gam sungah kilemna bawl a, mangbuh hoih pente tawh nang hong gilvahsak hi.

Late 78:19

Amaute in Pasian gensia uh a, “Pasian in gamlak ah an pia thei ding ahi hiam?

Late 78:41

Amaute in amah ze-et kikkik uh a, Israel-teʼ Siangtho Pasian a phin uh hi.

Late 81:16

Mangbuh hoih pen tawh note ka hong vak dinga, suangpi pan a khuaizu tawh note kong gilvahsak ding hi,” a ci hi.

Ezekiel 27:17

Judah le Israel gam mite in zong na van leina-in mangbuh, oliv thau le theipal, khuaizu le sing namtui tuamtuamte hong pia uh hi.

Mattiu 14:17

amaute in, “Anlum nga le ngasa tawn nih lobuang bangmah dang om lo hi,” a ci uh hi.

Mattiu 16:9

Tu ciang dong phawk thei nai lo lai na hi uh hiam? Anlum nga tawh mi tul nga a kivak khit ciangin paipel bangzah dim val lai cih thu phawk nawn lo na hi uh hiam?

Marka 6:38

Tua ciangin Jesu in, “Anlum bangzah nei na hi uh hiam, va en dih un,” a ci hi. Amaute in, “Anlum nga le ngasa tawn nih om hi,” ci-in a hong genkik uh hi.

Marka 8:19

Mihing tul ngateʼ nek dingin anlum nga ka balnen thu mangngilh ta na hi uh hiam? Tua hun lai-in a kikhamval na khop uh paipel bangzah dim ahi hiam?” a cih ciangin, “Sawm le nih,” a ci uh hi.

Luka 9:13

Ahi zongin Jesu in amaute kiangah, “A nek dingun nek theih khat peuhpeuh pia un,” a cih ciangin amaute in, “Kote va pai-in hih mi khempeuhte adingin an va lei ding ka hih kei buang uh leh, anlum nga le ngasa tawn nih cih sim loh bangmah dang om lo hi,” ci-in a dawng uh hi.

Johan 11:21

Martha in Jesu kiangah, “Topa aw, hih lai ah a om hi lecin ka u si het lo ding hi.

Johan 11:32

Jesu omna munah Mary tungin amah a muh ciangin ama khe mai ah bok a, “Topa aw, nang hong om hi lecin ka u si het lo ding hi,” ci-in a kap hi.

Johan 21:10

Jesu in amaute kiangah, “Tu-a na ngasa matte uh pawl khat hong paipih un,” ci-in a gen ciangin

Johan 21:13

Jesu hong pai-in anlum la-in amaute tungah pia a, tua mah bangin ngasa zong a pia hi.

Johan 21:9

Tui gei a tun uh ciangin mei-am tungah ngasa le anlum a ki-em a mu uh hi.

Johan 6:11

Jesu in anlum la-in Pasian tungah lungdamna a koh khit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Johan 6:7

Filip in, “Ngun peek za nih tawh an i lei hangin tawmno bekin cing pan ding uh hi,” ci-in a dawng hi.

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

Thu-hilhkikna 32:14

Bawng hon panin bawngnawi-thaukhal, tuu hon panin tuunawi, tuunote le tuutalteʼ thau tawh, Bashan bawnghonte le keelte, mangbuh hoih pente tawh leenggahtui san na dawn uh hi.

Thu-hilhkikna 8:8

mangbuh le mangbuhham, leenggui le theikung le mang kawlsing a omna leitang, oliv kungte le khuaizu a omna leitang,

Mangmuhna 6:6

Tua ganhing lite lak panin awging bang khat ka za a, “Mangbuh lawhta khat in ni khat tha man a, mangbuhham lawhta thum in ni khat tha mah man hi. Ahi zongin oliv huan le leenggui huan susia kei in,” a ci hi.