Johan 6:70 - Tedim Bible Revision 2017

⁷⁰ Tua ciangin Jesu in, “Note na sawm le nih mahun ka hong teel hi napi-in khat pen dawi na suak mawk uh hi,” a ci hi.

Tedim Bible

⁷⁰ Zeisu in, “sawm-le-nihte hong teel hilo ka hi hiam? Ahih hangin note lakah khat in dawi hilo ahi hiam?” a ci hi.

Johan 6:70 Iomraidhean Croise

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Johan 13:21

Jesu in hih thu teng a gen khit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a gen khia hi.

Johan 13:27

Judas in tua an a nek khit phetin ama sungah Satan hong lut pah hi. Tua ahih manin Jesu in ama kiangah, “Na hih ding peuhpeuh hih pak in,” a ci hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teel khia a, amaute tawh kipawl nawn lo na hih manun a hong mudah ahi uh hi.

Johan 17:12

Amaute tawh ka om khawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa sim loh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 2:2

Jesu le a nungzuite zong tua pawi ah a kisam hi.

Johan 20:24

Nungzuite kiangah Jesu a kilah laitakin sawm le nihte sung panin Unau Peeng min no a nei Thomas om lo hi.

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Johan 6:67

Tua ahih manin Jesu in a nungzui sawm le nihte kiangah, “Note zong na ciahkik nuam mai uh hiam?” a cih ciangin

Johan 6:71

Sawm le nihte sung panin amah a lehpei ding ahih manin Simon Iskariotʼ tapa Judas thu a genna ahi hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Sawltak 1:17

Judas pen eite tawh na a sem khawm dingin a kiteel khia ahih manin eima pawl mi ahi hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topaʼ thuman pen zuau suahsak ding na hanciam tawntung hi.

1 TIMOTI MASA 3:11

A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuh ah a thuman mi hi ding uh hi.

Titu 2:3

Tua mah bangin mite in Pasianʼ thu a gensiat khak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin,

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.