Johan 6:7 - Tedim Bible Revision 2017

⁷ Filip in, “Ngun peek za nih tawh an i lei hangin tawmno bekin cing pan ding uh hi,” ci-in a dawng hi.

Tedim Bible

⁷ Filip in, “Mi a vekpi-in themkha khat tek a ngah nadingun dangka zanih man khomun a cing kei ding hi,” ci-in a dawng hi.

Johan 6:7 Iomraidhean Croise

2 KUMPI NIHNATE 4:43

Ahih hangin a nasem pa in, “Mihing za khatteʼ mai ah keimah in hih bangci lui theih ding ka hi hiam?” a ci hi. Ahi zongin amah in, “Amaute in a nek theih nadingun mite tungah tuate pia in. Bang hang hiam cih leh Topa in, ‘Amaute in ne-in khamval ding uh hi,’ ci hi,” a cikik hi.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Marka 6:37

Ahi zongin Jesu in, “Amauteʼ nek ding bang khat peuhpeuh pia un,” a ci hi. A nungzuite in, “Ngun peek za nih tawh anlum va lei-in amauteʼ nek dingin pia ding ka hi uh hiam?” ci-in a dong uh hi.

Johan 1:43

A zing ciangin Jesu in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Johan 1:44

Filip pen Andru le Peterʼ teenna Bethsaida khuami mah ahi hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cih san hi. Ahi zongin Filip in, “Hong pai inla, hong mu dih in,” a ci hi.

Johan 1:48

Nethanel in, “Kei hong bangci theih na hi hiam?” ci-in a dot ciangin Jesu in, “Filip in nang hong sap ma-in theikung nuai ah na om laitakin ka hong mu hi,” ci-in a dawng hi.

Johan 12:5

“Bang hangin hih sathau namtui ngun peek za thumin kizuakin a sumte mizawngte tungah kipia zaw lo ahi hiam?” a ci hi.