Johan 6:61 - Tedim Bible Revision 2017

⁶¹ Ahi zongin Jesu in hih thu ah a nungzuiteʼ phunna thei ahih manin, “Hih ka thugenna in note hong lungkiasak ahi hiam?

Tedim Bible

⁶¹ Ahih hangin Zeisu in tua thu hangin ah a nungzuite in a phunpihna thu a sin sungah a theih ciangin, “Hih thu in note hong puksak hiam?

Johan 6:61 Iomraidhean Croise

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Mattiu 17:27

Ahi zongin amauʼ nasepna a nawngkaisak i suahkhak loh nadingin tuili ah nga siahna sikkawi va khia inla, a awk masa penpen hong kai khia in. Tua a ngasa kam sung en lecin dangka tang peek khat na om ding hi. Tua sum la inla, ei tegel adingin biakinn siah va pia in,” a ci hi.

Johan 16:19

Jesu in amauteʼ theihnop lamtak phawk ahih manin amaute kiangah, “Note khatlekhat na kidot uh, ‘Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,’ ka cihnopna a kidong na hi uh hiam?

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.