Johan 6:6 - Tedim Bible Revision 2017

⁶ (Jesu in a hih ding thei napi-in Filip a ze-etna-in hih bangin a dong lel ahi hi.)

Tedim Bible

⁶ Tua bang a dotna in bang hang hiam i cih leh, amah in bangci a bawl ding thei napi-in Filip ze-etna bekin a dong hi.

Johan 6:6 Iomraidhean Croise

Piancilna 22:1

Hih thute khit ciangin Pasian in Abraham ze-et a, ama kiangah, “Abraham,” a ci hi. Amah in, “Hiah om ing,” a ci hi.

2 KHANG TANGTHU NIHNATE 32:31

Tua ahih ciangin gam sung om zia lim a kan dingin ama kiangah a kisawl Babylon ulianteʼ kamtaite tawh kisai-in, amah a ze-et nading le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

2 KORIN NIHNA 13:5

Thu um taktak mah ihi hiam, ci-in nomau mahmah ki-entel un. Na ki-ettelna uh ah a cingtaak lo na hih kei nak-uh leh note sungah Jesu Khris om ahih thu thei un.

Thu-hilhkikna 13:3

tua kamsang paʼ thu ahi a, mangman paʼ thu ahi zongin na ngai kei ding uh hi. Bang hang hiam cih leh Topa noteʼ Pasian na lungsim khempeuh uh le na nuntakna khempeuh uh tawh na it uh hiam cih a kitheih nadingin Topa na Pasian un no hong ze-etna ahi hi.

Thu-hilhkikna 33:8

Tua ciangin Levi minamteʼ thu genin, “Levi tungah na Thummim pia inla, na midik pa tungah na Urim pia in. Massah ah na ze-et mipa, Meribah tuite ah na kitot pih pa ahi hi.

Thu-hilhkikna 8:16

a tawpna ah a hoihin na gamtat theih nading uh a deihna-in note hong niamkhiatin a hong ze-et theih nadingin na pu na pate un a theih loh manna tawh sehnel gamah a hong vak Topa na Pasian uh na mangngilh kha ding uh hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.

Mangmuhna 2:2

“Noteʼ nasepna, na gimna uh le lungduai takin na thuakna uh le migilote koih mawk loin, sawltak hi lo napi-in sawltak hi ung, a ci mite dong telin sawltak ahih lohna uh na muh khiatnate uh ka thei hi.