Johan 6:51 - Tedim Bible Revision 2017

⁵¹ Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Tedim Bible

⁵¹ Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

Johan 6:51 Iomraidhean Croise

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 11:26

A nungta a kei hong um mite si ngei nawn lo ding hi. Hih thu na um hiam?” a cih ciangin,

Johan 3:13

Vantung panin a hong pai suk Mihing Tapa keimah sim loh vantungah a pai to ding kuamah om lo hi,” a ci hi.

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai dinga,

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

Johan 6:33

Pasian in a hong piak an pen vantung panin hong pai-in leitung mite a nungtasak pa ahi hi,” a ci hi.

Johan 6:35

Tua ciangin Jesu in, “Kei pen nuntakna an ka hi hi. Ka kiangah hong paite gilkial ngei nawn lo dinga, kei hong umte dangtak ngei nawn lo ding hi.

Johan 6:41

Jesu in, “Kei pen vantung panin a hong pai an ka hi hi,” a cihna hangin mihonte phun ngeingai uh a,

Johan 6:47

A mantakin kong genin ah, kei hong umte bek in nuntak tawntungna ngah hi.

Johan 6:48

Kei pen nuntakna an ka hi hi.

Johan 6:50

Ahi zongin vantung panin a hong pai an a ne mi peuhmah si lo ding hi.

Johan 7:38

Lai Siangtho sungah, ‘Kei hong um mite sung panin nuntakna tui luang khia ding hi,’ a cih mah bangin kei hong um mite ka kiangah hong pai-in hong dawn ta un,” a ci hi.

2 KORIN NIHNA 5:19

Tua ahih manin koteʼ thugen bulpi in: Pasian in miteʼ mawhnate ngaihsun nawn loin, Khris hangin leitung mi khempeuh le amah a kilemin hong bawl a, tua kilemna thu a gen dingin kote hong seh hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Efesa 5:25

Pasalte aw, Khris in pawlpi itin a pumpi a piak mah bangin na zite uh na it un.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 10:20

Ama pumpi mahmah ahi dalna puan tawnin nuntakna lampi ah i pai theih nadingin amah in lampi thak hong honsak hi.

1 PETER MASA 2:4

Mite in bangmahin kimang lo hi, ci-in a nilkhiat hangin Pasian in a manpha hi, ci-in a teel, nuntakna a pia thei suangpi ahi Topa kiangah na pai un.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 JOHAN MASA 4:10

Hih ka gen itna pen eite in Pasian i itna thu hi lo a, Pasian in eite hong itin, i mawhna a mai theih nadingin a Tapa a hong paisakna thu ahi hi.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.