Johan 6:2 - Tedim Bible Revision 2017

² Jesu in cinate damsakin nalamdang lian pipi a bawlte mi tampi in mu khin uh ahih manin mi tampi tak in Jesu nung a zui uh hi.

Tedim Bible

² Cinate tungah a lamdang lim a lahna a mu mihonpite in a nung a zui uh hi.

Johan 6:2 Iomraidhean Croise

Mattiu 12:15

Jesu in amah a kisawmna thu a theih ciangin tua mun panin a paikhia hi. Mi tampi in amah hong zui uh hi. Amah in cina mi khempeuh damsak a,

Mattiu 13:2

Ama kiimah a hong kikhawm mi tam lua ahih manin amah gunkuang tungah pai-in tu a, mihonte ahihleh tuili gei ah a omsak hi.

Mattiu 14:14

Tui gei ah Jesu a tun ciangin mihon tampi a na om a mu hi. Amaute hehpihhuai sa a, a cinate a damsak hi.

Mattiu 8:1

Tua mual panin Jesu hong pai suk ciangin mihon tampi in amah a zui uh hi.

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Marka 6:33

Ahi zongin a paikhiat lam uh le amaute ahih lam uh, mi tampi in thei uh ahih manin khuapi khempeuh panin a hong pai mite, lei lam tawnin na pai uh a, Jesu le a nungzuite a tun ma-in a na ma tun uh hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bang cih ding ihi hiam?

Johan 12:18

Jesu in tua bang nalamdang lian a bawlna thu mihonte in za khin uh ahih manin amah a dawn dingin a pai uh hi.

Johan 12:37

Amauteʼ muhin Jesu in hih nalamdang khempeuh a bawl hangin amaute in um lo uh hi.

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 2:23

Paisan Pawi hun laitakin Jerusalem khua sungah Jesu a om sungin Jesu in vangliatna tawh nalamdang a bawlte mu uh ahih manin mi tampi in amah a um uh hi.

Johan 20:30

Jesu in a nungzuiteʼ muhna ah nalamdang lian tampi bawl a, ahi zongin hih laibu sungah a kigelh lo tampi tak om lai hi.

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Johan 6:14

Jesuʼ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 6:22

A zing ciangin tui gal khat ah a om lai mihonte in tui gei ah gunkuang khat a om lai mu uh a, a zan nitakin gunkuang tungah a tuan uh ciangin a nungzuite lakah Jesu a om lohna thu zong thei uh ahih manin a nungzuite bek a pai-in a ngaihsun uh hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

Johan 6:30

Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?