Johan 6:14 - Tedim Bible Revision 2017

¹⁴ Jesuʼ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Tedim Bible

¹⁴ Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 6:14 Iomraidhean Croise

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Mattiu 11:3

“Nang pen a hong pai ding pa na hi hiam, tua ahih kei leh a dang na lamen lai ding ka hi uh hiam?” ci-in a dongsak hi.

Mattiu 21:11

Mihonpite in, “Galilee gam Nazareth khua pan a kamsang Jesu hi,” ci-in a dawng uh hi.

Luka 24:19

Tua ciangin Jesu in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesu tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna ah vang a nei mahmah khatin a ngaihsut uh ahi hi.

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Johan 1:21

Tua ciangin amaute in, “Tua ahihleh kua na hi hiam? Elijah na hi hiam?” a cih uh ciangin, “Ka hi kei hi,” na ci hi. Kamsang pa na hi hiam, ci-in a dot uh ciangin, ka hi kei hi, a na ci leuleu hi.

Johan 11:27

“Ka um hi, Topa aw; leitungah a hong pai ding Pasianʼ Tapa, Khris na hihna thu ka um hi,” ci-in a dawng hi.

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 4:19

Tua ciangin numei in, “Sia aw, nang pen kamsang khat na hihna thu ka hong thei hi.

Johan 4:25

Tua ciangin numei in, “Khris a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

Johan 6:2

Jesu in cinate damsakin nalamdang lian pipi a bawlte mi tampi in mu khin uh ahih manin mi tampi tak in Jesu nung a zui uh hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

Johan 6:30

Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Johan 7:40

Hih thu a zak uh ciangin mihon pawl khat in, “Hih pa pen Kamsang pa taktak hi,” ci uh a,

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note ading kamsang khat hong sawl ding hi,’ a ci pa ahi hi.