Johan 5:36 - Tedim Bible Revision 2017

³⁶ Ahi zongin Johanʼ teci panna sangin a lian zaw teci khat ka nei a, tua in: Ka Pa in sep dingin a hong piak tu-a ka sep thute in kei adingin teci a pang hi a, Pa in kei a hong sawl taktak ahihna hong kilangsak hi.

Tedim Bible

³⁶ Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 5:36 Iomraidhean Croise

Johan 10:25

Jesu in, “Hong gen khin napi ing-in Topa ka hihna thu na hong um kei uh hi. Ka Paʼ thu tawh na ka septe in hong kilangsak khinzo hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 2:23

Paisan Pawi hun laitakin Jerusalem khua sungah Jesu a om sungin Jesu in vangliatna tawh nalamdang a bawlte mu uh ahih manin mi tampi in amah a um uh hi.

1 JOHAN MASA 5:9

Mihingteʼ teci panna sang thei ihih leh Pasianʼ teci panna i san theih ding thupi zaw hi. Pasian in ama Tapaʼ thu tu-a bangin teci hong pang hi.

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Mattiu 11:4

Jesu in amaute kiangah, “Va ciahkik unla, tu-a na zakte uh le na muh uh thute va gen un:

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Johan 5:32

Tua ahih manin keima ading teci a pang ding mi khat om a, keima thu genin teci a panna thuman hi, ci-in ka thei hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 11:37

Ahi zongin pawl khatte in, “Mittawte khua a musak thei hih mipa in amah a sih loh nadingin bawl thei lo ahi hiam?” a ci uh hi.

Luka 2:49

Jesu in a nu le a pa kiangah, “Bang hangin kei hong zong na hi uh hiam? Ka Paʼ inn sungah ka om ding lamtak thei lo na hi uh hiam?” ci-in a dawng hi.