Johan 5:17 - Tedim Bible Revision 2017

¹⁷ Ahi zongin Jesu in amaute kiangah, “Ka Pa in tu ni dongin na sem tawntung ahih manin kei zong ka sep ding mah ahi hi,” a ci hi.

Tedim Bible

¹⁷ Zeisu in, “Ka Pa in tudongin a sem hi; ke’n zong ka sem hi,” ci-in a dawng kik hi.

Johan 5:17 Iomraidhean Croise

Late 65:6

a thahatna tawh mualte a bawl, vangliatna tawh a kidim,

Isaiah 40:26

A sangna lam en to unla mu un. Kua in hihte piangsak ahi hiam? Amauʼ honpite khatkhatin piangsakin, a lian ama thahatna tawh amaute khempeuh a minun a sam pa ahi hi. Vangliatna ah thahat ahih manin khat beek pelhem lo hi.

Mattiu 10:29

Gitta nih ciangin mat khatin kizuak lel hi lo ahi hiam? Tua hi napi-in na Pa uhʼ thukim lohin tua gittate khat nangawn lei ah mawk kiat lo hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasianʼ Tapa ka hi hi,’ ka cih ciangin bang hangin Pasian simmawh bawl hong cithei na hi uh hiam?

Johan 14:10

Kei pen Pa tawh pum khat ka hih lamtak um lo na hi hiam? Note tungah kong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 5:16

Tua ahih manin Jesu in Sabbath ni-in cina a damsakna hangin amaute in Jesu bawlsiat ding a kipan uh hi.

Johan 5:18

Hih bangin ama kampauna hangin amaute in Jesu that nuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

Johan 9:4

Sun khuavak lai teng kei hong sawl paʼ na i sem ding hi. Kuamah in na a sep theih loh zan hun zong hong tung ding hi.

Sawltak 14:17

Ahi zongin amah in a bangci Pasian hiam cih hong lahna-in mite adingin na hoih nono a hong pia hi. Amah in van panin guah hong zusakin, a hunhunin anlak hun ding hong tungsak hi. Amah in noteʼ nek ding an hong pia a, lungdamin a hong omsak hi,” a ci uh hi.

Sawltak 17:28

Mi khat in, ‘Pasian hangin eite piangin, hingin i gamtang hi,’ ci-in gen a, note sung panin laphuah siampa khat in zong, ‘Eite zong ama tate ihi hi,’ na na ci hi.

1 KORIN MASA 12:6

Nasep nading siamna a nam tuamtuam om a, ahi zongin sep theih nading siamna a hong pia Pasian a kibang ahi hi.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimu thei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khris adingin a mahmah zangin a piangsak hi.

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.