Johan 5:1 - Tedim Bible Revision 2017

¹ Tua khit ciangin, Jerusalem khua ah Jew mite biakna pawi kibawl ahih manin Jesu zong a pai hi.

Tedim Bible

¹ Tua nung ciangin Judah mite’ pawikhamna a tun’ lai takin, Zeisu Jerusalem khua-ah a paito hi.

Johan 5:1 Iomraidhean Croise

Paikhiatna 34:23

“Pasal khempeuh Israel Pasian, Topa Pasianʼ mai ah kum khatin thum vei kilak ding uh hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Johan 2:13

Jew miteʼ Paisan Pawi hun hong nai ta ahih manin Jerusalem khua ah Jesu a pai hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Thu-hilhkikna 16:1

“Abib kha tang unla, Topa na Pasian uh adingin Paisan Pawi bawl un. Bang hang hiam cih leh Abib kha sungin Topa na Pasian un Egypt gam panin zanin note hong paikhiatpih hi.

Thu-hilhkikna 16:16

“Amah in a teelna mun, Topa na Pasian uh mai ah pasal khempeuh kum khatin thum vei, silngo sawh loh anlum pawi, nipikal pawi le buk pawi ah kilaak ding uh hi. Amaute khut hawmguakin Topaʼ mai ah kilak lo ding uh hi. Topa na Pasian un note thupha hong piaknasa tawh kizui-in mi khempeuh in ama hih theih bang ciatin pia ding uh hi.