Johan 4:46 - Tedim Bible Revision 2017

⁴⁶ Tui, leenggahzu a suahsakna Galilee gam Kana khua ah Jesu paikik hi. Tua laitakin Kapernaum khua ah kumpi nasem ulian khat om a, a tapa a ci a na hi.

Tedim Bible

⁴⁶ Tui leenggahtui a suah sakna mun; Galile gam Kana khua-ah a paikik hi. Tua lai takin Kapernaum khua-ah upa khat’ tapa cina-in a om hi.

Johan 4:46 Iomraidhean Croise

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Late 78:34

Amaute pawl khat a thah khit ciangin a om lai mite in amah zong pan uh hi. Amaute kisikin, lungsim taktak tawh Pasian a zong uh hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Mattiu 15:22

Tua gamah a teeng Kanaan nupi khat hong pai-in hong kiko a, “Davidʼ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 4:13

Galilee gam Nazareth khua ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua ah a va teeng hi.

Mattiu 9:18

Tua bangin Jesu in thu genin a om laitakin Jesu kiangah Jew mi ulian khat hong pai-in ama mai ah hong khukdin a, “Tu mahmah in ka tanu a si hi. Ahi zongin nang hong pai-in ama tungah na khut hong nga lecin amah hingkik ding hi,” ci-in a thum hi.

Luka 4:23

Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.

Luka 7:2

Tua khua sungah Rom mi galkap bu khat om a, tua bupa in a it mahmah nasem khat a nei hi. Tua a nasem pa a ci na-in a si dektak hi.

Luka 8:42

Bang hang hiam cih leh kum sawm le kum nih a pha tanu khat a neihsun pen a ci na-in a si dektak hi. Jesu zong tua inn zuan dingin a pai laitakin mihonpite in zui-in a nehcip uh hi.

Johan 2:12

Tua khit ciangin Jesu le a nu, a sanggamte le a nungzuite, Kapernaum khua ah pai-in tua lai ah ni tawm khat a taam uh hi.

Johan 21:2

Simon Peter, Unau Peeng min no a nei Thomas, Galilee gam Kana khuami Nethanel, Zebediʼ tapate le nungzui dang nihte mun khat ah a om khawm uh hi.

Joshua 19:28

Ebron, Rehob, Hammon, Kanah le a Lian Sidon ciang dong pai to lai hi.