Johan 4:42 - Tedim Bible Revision 2017

⁴² Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

Tedim Bible

⁴² Amaute in numei kiangah, “Tu-in ahih leh, kote in na genna hangin um ka hi kei uh hi. Kote in zong ka za teekteek uh a, hih pa in leitung mite’ Gumpa ahi takpi hi ci-in ka thei uh hi,” a ci uh hi.

Johan 4:42 Iomraidhean Croise

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 11:17

Jesu a tun ciangin Lazaras a kivui zawh ni li a phak khitna thu a thei hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 4:29

“Hong pai un. Ka gamtatna sa a hong thei pa va en ni. Amah Khris hi kha ding hi,” a va ci hi.

Johan 4:41

Tua ahih manin tua numeiʼ thugenna hangin Jesu a um mi tampi tak kibehlap hi.

Sawltak 13:23

Pasian in ama ciam sa bangin Israel mite a hon khia dingin hih Davidʼ suan sung pan Jesu a bawl hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Sawltak 5:31

Israel mite kisikkikin Pasian in a mawhna uh a maisak theih nadingin Ukpi le Honpa-in tua Jesu bawlin ama tak lamah a tusak hi.

2 KORIN NIHNA 5:19

Tua ahih manin koteʼ thugen bulpi in: Pasian in miteʼ mawhnate ngaihsun nawn loin, Khris hangin leitung mi khempeuh le amah a kilemin hong bawl a, tua kilemna thu a gen dingin kote hong seh hi.

1 TIMOTI MASA 4:10

A diakdiakin ei thu umte in mi khempeuh a Hon khia, a nungta Pasian muangin lamen ihih manin nakpi takin hanciamin na a sem ihi hi.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.