Johan 4:23 - Tedim Bible Revision 2017

²³ Ahi zongin Pasian a bia taktakte in Pasianʼ Khaʼ lamlahna le thuman tak tawh a biak hun hong tung dinga, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Tedim Bible

²³ A bia taktakte in Kha leh thuman thutak tawh, Pa Pasian a biak ding uh hun hong tung ding tham loin a hong tung zo hi. Bang hang hiam na cih leh, Pa Pasian in amah bia dingin tua bang mite a zong hi.

Johan 4:23 Iomraidhean Croise

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

Late 147:11

Amah a zahtak mite le ama itna kip a muangte tungah Topa a lungkim hi.

Late 17:1

Topa aw, thuman ka hong ngetna hong za inla, ka otna hong ngai in! Lungsim takpi tawh ka hong thungetna hong ngai in!

Late 32:2

Topa in mawhna a khuksak loh mi, a lungsim sungah khemna a om lo mi, thupha ngah ahi hi.

Late 51:6

Nang in nuntakna sungah thumanna na deih hi. Tua ahih ciangin ka lungsim tawng ah ciimna hong hilh in.

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Solomon la 2:14

Suangheeng kawm a vasa bangin nang na bu niloh hi. A ngaihbaang na mai hong musak inla, a lungzuan huai na awging hong zasak in.

Isaiah 10:20

Tua ni a kipan Israel a omlaite, Jakob innkuan a suakta laite in amau a su gawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

Isaiah 58:2

Amaute pen, thumanin a gamta, amauʼ Pasianʼ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasianʼ kiang hong nai nuam uh hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

Johan 1:17

Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Johan 4:21

Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Johan 5:28

Hih thu kong gen ciangin lamdang sa kei un. Han sungah a om misi khempeuh in ama aw za-in,

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

ROM (Romans) 8:15

Note tungah Pasian in a hong piak a Kha Siangtho in note na lau nadingun sila-in a hong bawl hi lo a, Kha Siangtho in Pasianʼ tate a hong suaksak ahi zaw hi. Tua Kha Siangtho mah in Pasian pen, “Pa aw, Pa aw,” hong ci theisak hi.

ROM (Romans) 8:26

Tua ahih manin eite bangzahin gina lo hitale hang eite a hong huh dingin Kha Siangtho a hong pai hi. Eite in a kilawm bangin thunget ding nangawn i thei kei a, ahi zongin Kha Siangtho mah in tauna tawh eite adingin a hong thumsak hi.

Galati 4:6

Note pen ama tate na hihna uh a hong lah nadingin Pasian in ama Tapaʼ Kha Siangtho, eite sungah hong tumsak a, tua Kha Siangtho in Pasian pen, “Pa aw, pa aw,” hong cisak hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh adingin thu na ngetsak un.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koih khia unla, Topaʼ na sem un.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsak sate ngaihsun un.