Johan 4:21 - Tedim Bible Revision 2017

²¹ Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Tedim Bible

²¹ Zeisu in, “Numei aw, ka thu hong um in. Hih mual tungah ahi zongin, Jerusalem khua sungah ahi zongin Pa Pasian na biak loh nading uh hun hong tung ding hi.

Johan 4:21 Iomraidhean Croise

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Ezekiel 14:3

“Mihing ahi Ezekiel aw, hih mite in milim bia uh a, milim in mawhna sungah amaute tunpih hi. Amauteʼ thu theihnopte a gen dingin hong um uh ahi uh hiam?

Ezekiel 20:3

“Mihing ahi Ezekiel aw, Topa Pasian ahi keimah in amaute tungah ka gen, ‘Kei tungah thu a dong dingin hong pai na hi uh hiam? Kei pen a nungta Topa Pasian ka hih mah bangin noteʼ thudotin ka om het kei ding hi, ci-in gen in,’ hong ci hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Johan 4:23

Ahi zongin Pasian a bia taktakte in Pasianʼ Khaʼ lamlahna le thuman tak tawh a biak hun hong tung dinga, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Johan 5:28

Hih thu kong gen ciangin lamdang sa kei un. Han sungah a om misi khempeuh in ama aw za-in,

Sawltak 6:14

Hih Nazareth khuami Jesu in biakinnpi phel gawpin, Moses tung pek panin a hong kipan ngeina khempeuh khel mang ding hi, ci-in a thuhilhna ka za uh hi,” a cisak uh hi.

Efesa 2:18

Khris hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i pai thei hi.

Efesa 3:14

Hih ama geelna teng ka ngaihsut ciangin, vantung a tung khin sa mite le leitungah a om lai mite khempeuhʼ pianna i Pa Pasianʼ mai ah ka khukdin a,

1 TIMOTI MASA 2:8

Mun khempeuh ah a om pasal khempeuh in kuamah tawh kitotna le lungsim kinopmawhna nei het loin, lungsim siangtho tawh a khut uh lamin thu a nget ding uh ka deih hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

Mangmuhna 21:22

A Vanglian Topa Pasian le Tuuno pen khuapi biakinn hi ta ahih manin tua khua sungah biakinn dang ka mu kei hi.