Johan 4:20 - Tedim Bible Revision 2017

²⁰ Ko Samaria miteʼ pupite in hih lai mual tungah Pasian bia uh a, ahi zongin no Jew mite in Pasian biakna mun pen Jerusalem khua ahi hi, na ci uh hi,” a cih ciangin,

Tedim Bible

²⁰ Ka pute ka pate un hih mual tungah Pasian a bia ngei uh hi. Note in ahih leh, ‘Jerusalem khua bekah mite in Pasian a bia ding uh hi,’ na ci uh hi,” a ci hi.

Johan 4:20 Iomraidhean Croise

1 KUMPI MASATE 9:3

Topa in ama kiangah, “Keima mai ah na hih sa na thungetna le na thumnate ka za khin hi. Na lam sa hih biakinn ka ap khin hi. A tawntungin tua biakinn sungah kei hong kibia dinga, a tawntungin tua biakinn ka hu ding hi.

1 KHANG TANGTHU MASATE 21:26

Tua ciangin David in tua lai ah Topa adingin biakna tau khat lamin meihal biaknate le thunuam a biakna te bawlin Topaʼ tungah thu ngen a, tua ciangin amah in a thungetna a piakna-in a meihal biakna a hal dingin vantung panin meikuang a pia suk hi.

1 KHANG TANGTHU MASATE 22:1

Tua ciangin David in, “Hih lai ah Topa Pasianʼ inn om dinga, hih lai ah Israel miteʼ meihal biakna tau om ding hi,” a ci hi.

2 KHANG TANGTHU NIHNATE 7:12

Tua ciangin zanin Solomon tungah Topa kilangin ama kiangah, “Na thungetna ka za khin a, keima-aʼ dingin biakpiakna inn dingin hih mun ka teel khin hi.

2 KHANG TANGTHU NIHNATE 7:16

Bang hang hiam cih leh a tawntungin ka min a om theih nadingin keimah in hih biakinn teelin ka ap khin a, ka mit tawh enin ka lungsim a tawntungin tua lai ah om ding hi.

Late 132:13

Bang hang hiam cih leh Topa in Zion teel khinzo a, amah in tua mun pen ama ten nadingin a deih hi.

Late 78:68

Ahih hangin ama it Zion Mual, Judah minam a teel hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Luka 9:53

Ahi zongin Jesu in Jerusalem khua manawh sawm ahih manin tua khua mite in Jesu na tungsak nuam lo uh hi.

Johan 4:12

Tua tham loin, i pupi Jakob sangin lian zaw ding na hi hiam? Amah a kipan a tate le a ganhingte in a nek hih tui sangin a limci zaw koi ah ngah ding na hi hiam?” a cih ciangin

Thu-hilhkikna 11:29

Luah dingin na lutna uh leitang ah Topa na Pasian un hong paipih ciangin Gerizim Mual tungah thupha taangko-in, Ebal Mual tungah hamsia na taangko ding uh hi.

Thu-hilhkikna 27:12

“Jordan na gal kah khit uh ciangin mite thupha a pia dingin Gerizim Mual tungah a ding ding minamte: Simeon, Levi, Judah, Issakhar, Josef le Benjamin ahi hi.