Johan 4:16 - Tedim Bible Revision 2017

¹⁶ Tua ciangin Jesu in, “Va ciahin na pasal va sam inla, hih lai ah hong paikik un,” a ci hi.

Tedim Bible

¹⁶ Zeisu in, “Pai in, na pasal sam in la, hong paikik in,” a ci hi.

Johan 4:16 Iomraidhean Croise

Johan 1:42

Tua ciangin Jesu kiangah a u Simon a paipih hi. Jesu in amah enin, “Nang pen Johanʼ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Johan 4:15

Tua ciangin numei in, “Sia aw, tua bang ahihleh ka dang a tak nawn loh nading le hih lai ah tui tawi-in ka pai nawn loh nadingin kei zong tua tui hong pia in,” a ci hi.

Johan 4:17

Numei in, “Pasal ka nei kei hi,” a cih ciangin Jesu in, “‘Pasal ka nei kei hi,’ na cih pen man mahmah hi.

Johan 4:18

Pasal nga na nei khin ngei a, tu-a na ompih zong na pasal hi lo hi. Tua ahih manin na thugen man mahmah hi,” a ci hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.