Johan 4:14 - Tedim Bible Revision 2017

¹⁴ ahi zongin keima piak ding tui a dawn khempeuh dangtakkik nawn lo ding uh hi. Tua ka piak tui a dawnte sungah nuntakna tuinak piang dinga, a nungtasak paisuak ding hi,” a ci hi.

Tedim Bible

¹⁴ Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 4:14 Iomraidhean Croise

Isaiah 49:10

Amaute gilkial loin, dangtak lo ding uh a, huih sa le nisa in amaute su kha lo ding hi. Bang hang hiam cih leh amaute a hehpih pa in amaute lamkaih dinga, ciktui kiangah amaute paipih ding hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Isaiah 58:11

Tua ciangin note lam kong lak tawntung dinga, na hoihte tawh kong lungkimsak ding hi. A cidam a thahatin kong omsak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Jeremiah 31:25

Bang hang hiam cih leh a gim mite ka tawldamsak dinga, gil kialin a tha zawm mite khempeuh an ka vak kham ding hi,” a ci hi.

Ezekiel 47:9

Hih tui a luanna mun peuhpeuh ah ganhing namkim le ngasa tampi om hi. Hih tui in Si Tuipi tui siangsakkikin, a luanna peuhpeuh ah nuntakna omsakkik ding hi.

Siampi Laibu 11:36

Ahi zongin tuinak le tuibeem ahihleh a siang hi dinga, ahih hangin a si sate a lawng peuhmah a nin hi ding hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 5:6

Pasianʼ deih teng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Johan 10:10

Gutate pen a gu ding, a that ding le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neih theih nadingun a hong pai ka hi hi.

Johan 11:26

A nungta a kei hong um mite si ngei nawn lo ding hi. Hih thu na um hiam?” a cih ciangin,

Johan 4:10

Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Johan 4:11

Tua ciangin numei in, “Sia aw, tuikhuk thuk mahmah a, ahi zongin tui khai nading bangmah na nei kei hi. Koi panin tua nuntakna tui ngah thei ding na hi hiam?

Johan 4:13

Jesu in, “Hih tui a dawn khempeuh dangtakkik ding uh a,

Johan 4:36

Khai tuh pa le an la pa a lungdam khawm theih nadingin an la pa thaman a kipiak mah bangin an la pa in zong a nungta tawntung dingin mi a khawm ding hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 6:35

Tua ciangin Jesu in, “Kei pen nuntakna an ka hi hi. Ka kiangah hong paite gilkial ngei nawn lo dinga, kei hong umte dangtak ngei nawn lo ding hi.

Johan 6:58

Tua ahih manin kei pen vantung panin a hong pai an ka hi a, na pu na pate un ne-in a sih veve-na ante tawh kibang lo hi. Hih keiʼ hong piak an a nete ahihleh nungta tawntung ding hi,” a ci hi.

Johan 7:37

Pawi bei ni ding pen a thupi pen ni hi a, tua ni-in mihon lakah Jesu dingin nakpi takin kiko a, “A dangtak na om uh leh ka kiangah hong pai unla tui hong dawn un.

ROM (Romans) 5:21

Tua ahih manin mawhna thahatin hong sihsak mah bangin, i Topa Jesu Khris hangin Pasianʼ hehpihna thahat zaw lai a, mihoihin hong sangin nuntak tawntungna sung a hong tunpih hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesu tawh i kipawl manin Pasianʼ hong piakkhong pen nuntak tawntungna ahi hi.

2 KORIN NIHNA 1:22

Amah in eite pen ama aʼ ihihna ciaptehna eite tungah hong bawl a, ama aʼ ihihna le eite tungah a hong piak ding na khempeuh a hong pia takpi ding ahihna a kitel nadingin eiteʼ lungsim sungah Kha Siangtho a hong ma piak hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

Mangmuhna 7:16

Amaute gilkial cih om nawn lo dinga, a dang uh zong taak nawn lo ding hi. Nisa zong thuak kha nawn lo ding uh a, a sa in zong kaang kha nawn lo ding hi.

Mangmuhna 7:17

Bang hang hiam cih leh Tokhom laizang ah a om Tuuno, amaute a kem pa hi dinga, nuntakna tui omna ah amaute paipih dinga, Pasian in a khitui khempeuh uh nulsak ding hi,” hong ci hi.