Johan 4:10 - Tedim Bible Revision 2017

¹⁰ Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Tedim Bible

¹⁰ Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Johan 4:10 Iomraidhean Croise

Late 10:17

Topa aw, lungnemteʼ deihna na ngai ding hi. A lungsim uh na hatsak dinga, na bil na ngat ding hi.

Late 46:4

Sangpen paʼ teenna khua siangtho, Pasianʼ khuapi, a lungdamsak gun khat a om hi.

Paikhiatna 17:6

En in, Horeb-a suangpi ah nangma mai ah ka ding ding hi. Nang in suangpi na sat dinga, mite in tui a dawn theih nadingin tua suang sung panin tui hong phul khia ding hi,” a ci hi. Israel upateʼ muhna ah tua bangmahin Moses gamta hi.

Solomon la 4:15

Lebanon Mual tung panin tui hong luang suk a, ciktui luangte, luitui luangte, tua huan sungah a tung suk hi.

Isaiah 12:3

Tui siangtho in a dangtakte a lungdamsak mah bangin, Pasianʼ hotkhiatna in a mite lungdamsak ding hi.

Isaiah 35:6

Tua ciangin khebai mipa diangin lam dinga, a pau thei lo mipa in lungdamin la sa ding hi. Bang hang hiam cih leh gamlak ah tui hong phul khia dinga, sehnel gam sungah luitui hong luang ding hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a la khia ding, thong sung a mialna munah a tu mite a la khia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Isaiah 43:20

Gamsate, ngiate le vasa-kalaohte in kei hong pahtawi ding uh hi. Bang hang hiam cih leh keima adingin ka piansak mite in keimah hong phatna a genkhiat theih nadingun, keima teel miteʼ dawn dingin gamlak ah tui pia-in, sehnel gam sungah gun ka luangsak hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Isaiah 49:10

Amaute gilkial loin, dangtak lo ding uh a, huih sa le nisa in amaute su kha lo ding hi. Bang hang hiam cih leh amaute a hehpih pa in amaute lamkaih dinga, ciktui kiangah amaute paipih ding hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Ezekiel 16:35

“Tua ahih ciangin a paktat Jerusalem aw, Topaʼ thu ngai in.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Zekhariah 14:8

Tua ni hong tun ciangin Jerusalem khua panin tuicim hong luang khia dinga, kim khat, nisuahna lamah a om Si Tuipi ah luang dinga, kim khat, nitumna lamah a om Mediterranean Tuipi ah luang ding hi. Tua tui in kan hun cih nei loin luang tawntung ding hi.

Luka 11:13

Note mihoih lo hi napi-in na tate uh tungah a hoih piak ding theithei na hih uh leh, vantung a om na Pa un a ngente tungah Kha Siangtho pia zaw kan ding hi lo ahi hiam?” a ci hi.

Johan 16:3

Amaute in ka Pa ahi a, kei ka hi zongin hong thei lo uh ahih manin tu-a bangin note a hong bawl ding uh ahi hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 4:14

ahi zongin keima piak ding tui a dawn khempeuh dangtakkik nawn lo ding uh hi. Tua ka piak tui a dawnte sungah nuntakna tuinak piang dinga, a nungtasak paisuak ding hi,” a ci hi.

Johan 6:35

Tua ciangin Jesu in, “Kei pen nuntakna an ka hi hi. Ka kiangah hong paite gilkial ngei nawn lo dinga, kei hong umte dangtak ngei nawn lo ding hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Sawltak 9:11

Tua ciangin Topa in Ananias kiangah, “Kithawi-in Kongzing Tang gei-a Judas inn ah va pai inla, Tarsas khuami Saul min nei mi khat va kan in. Tua Saul in thu ngen a,

ROM (Romans) 8:32

Ama Tapa nangawn siit loin eite khempeuh adingin hong pia khia ahih manin, na dang khempeuh zong hong pia zaw kan ding hi lo ahi hiam?

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

1 KORIN MASA 10:4

a vekpi mahun kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Khris ahi hi.

2 KORIN NIHNA 9:15

A manphatna a kigen zo lo Pasianʼ hong piak hih thupha hangin Pasian tungah i lungdamna ko ciat ni.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

Hebru 6:4

A tawpkik khin sate a kisikkik nadingin kibawl zo lo hi. Pasianʼ khuavak sungah amaute om khinin, vantung nopna ciam khinin, Kha Siangtho ngah khinin,

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

Mangmuhna 7:17

Bang hang hiam cih leh Tokhom laizang ah a om Tuuno, amaute a kem pa hi dinga, nuntakna tui omna ah amaute paipih dinga, Pasian in a khitui khempeuh uh nulsak ding hi,” hong ci hi.