Johan 3:8 - Tedim Bible Revision 2017

⁸ Huih zong a utna peuhpeuh ah nung a, a huging na zak theih hangin koi lam panin hong nung a, koi lamah nung ahi hiam, cih na mu thei kei hi. Kha tawh a suak mite zong tua mah bang ahi hi,” ci-in a dawng hi.

Tedim Bible

⁸ Huih in ama ut bangin a nung hi. Tua huih ging na zak hangin koi pan hong pai a, koilam pai ding cih na thei kei hi. Kha Siangtho tawh a suakte khempeuh in tua bang ahi uh hi,” a ci hi.

Johan 3:8 Iomraidhean Croise

Late 107:25

Bang hang hiam cih leh amah in thu pia a, tuipi hualte a piangsak huihpi a nungsak hi.

Late 107:29

Amah in huihpi daisak a, tuipi hualte a bei hi.

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

Thuhilh-sia 1:6

Leitaw lamah huih nungin leilu lamah nung leuleu a, a zuih ngeina teng mah zui-in nungnung niloh hi.

Ezekiel 37:9

Tua ciangin amah in kei kiangah, “Mihing ahi Ezekiel aw, huihte tungah thu gen inla, hih a si sa pumpite sungah hu sangin a hingkiksak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

Johan 1:13

Tua bangin Pasianʼ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Johan 3:7

Tua ahih manin, ‘Na suahkik ding ahi hi,’ ka hong cihna hangin lamdang sa kei in.

Johan 3:9

Tua ciangin Nikodemas in, “Hih thu bangci pian theih mawk ding ahi hiam?” ci-in a dot ciangin

Sawltak 2:2

Tua laitakin huihpi nung bangin huging khat hong tung vat a, amauteʼ kikhopna inn sung khempeuh hong dim hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

1 KORIN MASA 2:11

Mihing khatʼ ngaihsutna pen ama lungsim bek mah in a theih mah bangin Pasianʼ Kha Siangtho bek mah in Pasianʼ thu a cingin a thei hi.

1 JOHAN MASA 2:29

Khris, thuman hi, ci-in na theih uh mah bangin a manin a gamta mi khempeuh zong Pasianʼ tate hi, ci-in na theih ding uh ahi hi.