Johan 3:36 - Tedim Bible Revision 2017

³⁶ Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

Tedim Bible

³⁶ Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Johan 3:36 Iomraidhean Croise

JOB (Job) 33:28

Misiteʼ gam sung ka tun nading panin amah in kei hong kem a, tu-in kei ka nungta lai hi,’ a ci ding hi.

Late 36:9

Bang hang hiam cih leh nuntakna tuinak nangmah tawh om a, na khuavak sungah kote in khuavak ka mu uh hi.

Late 49:19

khuavak a mu nawn lo dingin a si khin sa a pu a pate kiang mahah amah pai veve ding hi.

Habakkuk 2:4

Tua a hong tung ding thu pen ‘A gilo mite suakta lo dinga, thuman mite ahihleh Pasian tungah a cihtak manun nungta ding hi,’” a hong ci hi.

Gamlak-vakna 32:11

‘Amaute in kei hong zui taktak lo uh ahih manin Egypt gam pan a paikhia mite kum sawm nih panin a tungsiah peuhmah khat beek in, Abraham, Isaac le Jakob tungah piak dingin ka ciam sa gam mu lo ding uh hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Luka 2:30

Ka mit mahmah tawh nong hotkhiatna ka mu khin a,

Luka 3:6

Mi khempeuh in Pasianʼ hotkhiatna ngah ding uh hi,’” ci-in a kigelh hi.

Johan 1:12

Tua bang hitaseleh ama thu ngai-in amah a um mite khempeuh tungah Pasianʼ tate suah theih nading thu a pia hi.

Johan 10:28

Tua ahih manin amaute tungah nuntak tawntungna pia ka hih manin si ngei nawn lo ding uh a, keima khut sung panin kuamah in amaute hong sut zo lo ding uh hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 4:36

Khai tuh pa le an la pa a lungdam khawm theih nadingin an la pa thaman a kipiak mah bangin an la pa in zong a nungta tawntung dingin mi a khawm ding hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

Johan 6:58

Tua ahih manin kei pen vantung panin a hong pai an ka hi a, na pu na pate un ne-in a sih veve-na ante tawh kibang lo hi. Hih keiʼ hong piak an a nete ahihleh nungta tawntung ding hi,” a ci hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

ROM (Romans) 4:15

Thukham in Pasianʼ heh nading piangsak hi. Ahi zongin thukham om kei leh thukham zui lo cih zong om thei lo hi.

ROM (Romans) 5:9

Ama sihna hangin tu-in Pasian tawh kipawl thei ihih manin Pasianʼ hehna hangin gimna panin zong hong suaktasak zaw kan lai ding hi.

ROM (Romans) 8:1

Ahi zongin tu-in ahihleh Khris Jesu tawh kipawlin a nungta mite pen mawhna thukhenna tawh kipelh hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zui khin tawntung lote in Pasianʼ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

1 THESALONIKA MASA 5:9

Pasian in ama hehna a thuak dingin eite a hong teel hi lo a, i Topa Jesu Khris hangin hotkhiatna a ngah dingin a hong teel ahi hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 3:18

Thupi takin Pasian kiciamin, “Ka tawlngakna munah hong pai-in, kei tawh tawlnga ngei lo ding uh hi,” a cih ciangin kuate a cihnopna ahi hiam? Amah a lehdote a cihna ahi hi.

Hebru 3:19

Tua ahih manin a up lohna uh hangin tawlngakna munah a lut zawh lohna uh i thei hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.