Johan 3:34 - Tedim Bible Revision 2017

³⁴ Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

Tedim Bible

³⁴ Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Johan 3:34 Iomraidhean Croise

2 KUMPI NIHNATE 2:9

Amaute a gal kah khit uh ciangin Elijah in Elisha kiangah, “Nang kiang panin kei hong kilakkhiat ma-in nang adingin kong hihsak ding na deih hong gen in,” a ci hi. Tua ciangin Elisha in, “Kong thum hi, kha thu ah na vangliatna a zah nih hong luahsak in,” a ci hi.

Late 45:7

thuman deihin gitlohna na mudah hi. Tua ahih ciangin Pasian ahi, nangma Pasian in na khangualte tungah a kikhai to-in lungdamna sathau nang hong nilh zo a,

Isaiah 59:21

“Note tawh hih bangin thuciamna ka bawl hi: Keima vangliatna tawh keima thukhamte le ka thuhilhnate note tungah kong pia khin a, tu a kipanin a tawntungin note in tua thute zui-in na suanlekhakte uh na hilh ding uh a, a khangkhangin na maimangsak kei ding uh hi,” a ci hi.

Siampi Laibu 7:35

Hih pen, Topaʼ siampi na a sem dingin amaute a kipiak ni-in, Topaʼ tungah meihal biakna sung panin amauʼ tungah a kipia, Aaron leh a suanteʼ tanh ahi hi.

Gamlak-vakna 11:25

Tua ciangin meii sungah Topa hong pai sukin amah hopih a, ama sunga om kha pawl khat la-in upa sawm sagihteʼ sungah a guang hi. Amauteʼ sungah tua kha a om ciangin, amaute in kamsangte bangin thu genin a kiko uh hi. Ahih hangin amaute in tua khit zawh hih nawn lo uh hi.

Mattiu 12:18

“Keimah in ka teel sa ka nasem pa, ka it mahmah, ka lungkimna pa en un. Keima Kha ama tungah ka pia dinga, Gentail mite tungah upna man a pulak ding hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Johan 1:16

A kicing ama hong itna hangin eite khempeuh tungah thupha a banbanin hong pia hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 16:7

A taktakin ci lehang, kei paikhia kei leng note hong Huh ding pa hong pai lo dinga, kei paikhia leng note hong Huh ding pa hong sawl ding ka hih manin kei va paikhia leng note adingin hoih zaw tham hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 5:26

Pa in nuntakna a piak theih mah bangin Tapa in zong a piak theih nadingin Pa in a bawl hi.

Johan 7:16

Tua ahih manin Jesu in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Johan 8:40

A taktakin ci lehang, ka hihna khempeuh Pasianʼ kiang panin ka zak sa thuman thu kong gen hi napi-in note in kei thah ding na hong sawm uh hi. Hih noteʼ gamtat bangin Abraham gamta lo hi.

Johan 8:47

Pasian kiang panin a paite in Pasianʼ thugen za thei hi. Ahi zongin note pen Pasian kiang pan hi lo na hih manun Pasianʼ thu na ngai nuam kei uh hi,” ci-in a dawng hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

ROM (Romans) 8:2

Bang hang hiam cih leh Khris Jesu tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

Kolose 1:19

Tua Tapa in Pasianʼ pianzia a kimin a neih nading, Pasian mahmah in a seh sa ahi hi.

Kolose 2:9

Bang hang hiam cih leh mihing hong suahna sungah Khris in Pasianʼ pianzia khempeuh a kimtakin nei a,

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 22:1

Tua ciangin vantungmi in Pasian le Tuuno tokhom panin a hong luang khia, kristal suangmanpha bangin a tee selsel gun tui hong lak a,