Johan 3:29 - Tedim Bible Revision 2017

²⁹ Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Tedim Bible

²⁹ Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

Johan 3:29 Iomraidhean Croise

Solomon la 3:11

Jerusalem nungakte aw, hong pai unla, Kumpi Solomon en dih ve un. A zi neih ni, a lungdam ni-a, a nu in amah a khuksak Kumpi lukhu hong khu hi.

Solomon la 5:1

Itluat ka lawmnu aw, ka huan sung hong tung zo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Jeremiah 2:2

“Pai inla, Jerusalem khua miteʼ zak dingin va taangko in. Topa in kong cih in ah: Na khangno lai-a nong kipiakna, na mothak lai-a nong itna, a kikho nai lo gamlak ah keiʼ nung nong zuih lai hun ka phawk hi.

Ezekiel 16:8

“Nang kong muh khakkik ciangin pasal nei thei ding hun na hi ta hi. Na pum guakin a om kimlai, ka puan tawh kong khuh a, na zumhuaina teng hong seelsakin, teenpih dingin kam kong ciam hi. Kong kamciamna tangtungsakin nang pen keima-aʼ nong suak hi, Topa Pasian in ci hi.

Hosea 2:19

Israel aw, nang, zi-in kong neikik dinga, nang tungah thuman thutangin kong gamtakik ding hi. Nang hong itin kong hehpih tawntung dinga, keima-aʼ na hi tawntung ding hi.

Mattiu 22:2

“Vantung ki-ukna zia pen a tapa adingin mopawi a bawl kumpipaʼ gamtatzia tawh kibang hi.

Mattiu 25:1

“Tua hun ciangin vantung ki-ukna zia pen zi nei thak pa a uap dingin a meivak uh tawh a pai nungak sawmte tawh kibang ding hi.

Mattiu 9:15

Jesu in amaute kiangah, “Mopina pawi khat ah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung dinga, tua hun ciangin amaute in an a tang ding uh hi.

Luka 15:6

Inn a tun ciangin a lawmte le a veengte samin, ‘A mang sa ka tuu mukik ka hih manin ka nuam mahmah hi. Lungdamna pawi bawl ni,’ a ci ding hi.

Johan 15:11

Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Johan 16:24

Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Johan 17:13

Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 3:30

Amah lian semsem dinga, kei ka hih leh ka neu semsem ding hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khris tawh a kigawm dingin nungak siangtho bang na hi uh hi.

Filippi 2:2

Tua ahih manin kei tawh ngaihsutna kibangin note khatlekhat ki-itin, khatlekhat lungsim kituakin na omna uh tawh keima lungdamna na hong cingtaaksak nadingun ka hong kun hi.

1 JOHAN MASA 1:4

Koteʼ lungdamna a cingtaak theih nadingin hih lai a hong gelh ka hi uh hi.

2 JOHAN NIHNA 1:12

Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

Mangmuhna 21:9

Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak kong lak ding hi,” hong ci hi.