Johan 3:27 - Tedim Bible Revision 2017

²⁷ Johan in, “Pasian in hih theih nading thu pia kei leh kuamah in bangmah hih thei lo hi.

Tedim Bible

²⁷ Johan in, “Vantung panin a kipiak kei leh, kuamah in bangmah a ngah thei kei hi.

Johan 3:27 Iomraidhean Croise

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teel khia khinzo a, minam dangte tungah kamsang dingin kong koih khinzo hi,” hong ci hi.

Jeremiah 17:16

Ahih hangin amaute tungah gimna na tunsak ding kong ngen kei a, siatna ni hong tun ding ka deihsak loh lam zong na hong thei hi. Ka kam panin a ging khia thu khempeuh na thei khin hi.

Amos 7:15

Ka tuucinna panin Topa in kei hong sam khia a, ama mi Israel-te tungah thugen dingin a hong sawl hi.

Gamlak-vakna 17:5

Keimah in ka teel mipaʼ ciangkhut hong sel ding hi. Amaute in nang hong phunsanna, Israel miteʼ phunna tua bangin keiʼ kiang panin ka beisak ding hi,” a ci hi.

Mattiu 21:25

Johan in tuiphum theih nading thu koi lai panin ngah ahi hiam? Pasian kiang panin thu ngah ahi hiam, ahih kei leh mihingte kiang panin thu ngah ahi hiam?” a ci hi. Amaute khatlekhat kiseel uh a, “Pasian kiang pan hi,” ci lehang, “Bang hangin um lo na hi uh hiam?” hong ci ding hi.

Mattiu 25:15

Amauʼ siamna tawh kizui-in khat tungah tul nga, khat tungah tul nih, khat tungah tul khat a ap khit ciangin a zin khia hi.

Marka 13:34

Mi khat khualzin dingin paikhia a, a dinkhiat ding ciangin amauʼ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Johan 10:41

Ama kiangah mi tampi tak hong kikhawm uh a, “Johan in nalamdang bangmah bawl lo hi. Ahi zongin Johan in hih mipa thu a gen khempeuh a vekpi-in mankim hi,” a ci uh hi.

Johan 6:65

Tua ciangin Jesu in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a gen thuah lai hi.

ROM (Romans) 1:5

Minam khempeuh in ama thu umin a zuih theih nadingun Khris hangin sawltak nasep sep theih nading hamphatna thu Pasian in Khrisʼ na sep nadingin kote a hong pia hi.

ROM (Romans) 12:6

Tua ahih manin Pasian in hehpihna hong piakkhongna tawh kizui-in i siamna a tuamtuamte zang ciat ni. I siamna pen Pasianʼ thu gen theih nading siamna ahihleh i upna neihzah tawh kizui-in gen ni.

1 KORIN MASA 1:1

Khris Jesuʼ sawltak dingin Pasian in a hong teel keimah Paul le thu upna sungah i sanggam Sosthenes in,

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

1 KORIN MASA 3:5

A taktakin ci lehang, Apollos i cihte, Paul i cihte, bangpi hi zenzen ka hi uh hiam? Note in thu na up theih nadingun Pasianʼ nasemte ka hi lel uh hi. Topa in koteʼ sep dingin a hong piak nasep tuak a sem ka hi lel uh hi.

1 KORIN MASA 4:7

Note in bang kisaktheih pih na hi uh hiam? Tu-a na neih khempeuh uh Pasianʼ hong piak hi lo ahi hiam? Tua ahihleh hong kipia sa bek ahih manin a bang kisaktheih pih na hi uh hiam?

Galati 1:1

Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

Efesa 1:1

Pasianʼ sawlna tawh Jesu Khrisʼ sawltak ahi keimah Paul in, Efesa khua ah a om thu um mite tungah lai ka hong khak hi.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.