Johan 3:23 - Tedim Bible Revision 2017

^23-24 Tuiphumpa Johan zong thong kia nai lo hi. Tua hi a, tui tampi omna Salim khua kiang Ainon kici munah Johan in mite tuiphum a, ama kiangah mite hong pai-in tui a kiphum uh hi.

Tedim Bible

²³ Johan in zong Salim tawh kinai Ainon khua-ah baptaiz-in a om hi. Bang hang hiam i cih leh, tuasan takah tui tam a om hi.

Johan 3:23 Iomraidhean Croise

Piancilna 33:18

Paddanaram panin hong pai lampi, Kanaan gam sunga om Shekhem khuapi ah lungmuang takin Jakob hong tunga, a khuapi kiangah phual a sat hi.

Jeremiah 51:13

Aw, tui tamna gei ah a teeng mite, sum a hau note aw, na hun uh bei ta a, na nuntakna khau uh kitat ta hi.

Ezekiel 19:10

Na nu uh, luitui gei ah a kisuan leenggui tawh kibang hi. Tui tampi ngah a, a teh, a gah, a pha hi.

Ezekiel 43:2

nisuahna lam panin Israel-teʼ Pasianʼ minthanna vang hong pai ka mu hi. Pasianʼ awging pen tuipi ging tawh kibang a, ama minthanna vang in leitung taangsak lela hi.

Luka 3:7

Ama tuiphum ding utin a hong pai mi tampite kiangah Johan in, “No, gul bangin ngian a zangte aw, hong tung ding Pasianʼ hehna panin na suahtak theih nading uh kua in hong gen ahi hiam?

Johan 3:22

Hih thute khit ciangin Jesu le a nungzuite Judea gamah pai uh a, tua gamah a nungzuite tawh omin mite tui a phum hi.

Mangmuhna 1:15

A khete, pumbukah a kihalsan sumngo bang a, a awging ahihleh tuipi ging a bang hi.

Mangmuhna 14:2

Tua laitakin tuizeu lianpi le vanging tawh a kibang a gingpha mahmah aw khat vantung panin a hong ging ka za hi. Tua awging pen harp lasakna a kitum a ging tawh kibang hi.

Mangmuhna 19:6

Tua ciangin tuizeu ging le vanging tawh a kibang mihonpi kikona awging bang khat ka za a, “A Vanglian eiteʼ Topa Pasian kumpi suak khin ahih manin Pasian phat un.

1 SAMUEL MASA 9:4

Tua ahih ciangin amaute in Efraim mual tung gam teng le Shalisha gam teng nawkin zong uh a, ahih hangin mu lo uh hi. Tua ciangin amaute in Shaalim gam teng zong uh a, ahih hangin tua gamah na om tuan lo hi. Tua ciangin amaute in Benjamin gam teng zong uh a, ahih hangin mu sam lo uh hi.