Johan 3:2 - Tedim Bible Revision 2017

² Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Tedim Bible

² Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 3:2 Iomraidhean Croise

1 KUMPI MASATE 17:24

Numei in Elijah kiangah, “Nang, Pasianʼ mi na hihna le Topa in nang tungtawnin thu a gen takpi ahihna tu-in ka thei hi,” a ci hi.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Jeremiah 38:16

Tua ciangin kumpipa Zedekiah in kei kiangah, “Eite nuntakna a hong pia Topa a nuntak bangin kong sisak kei dinga, nang a hong that nuam hih miteʼ khut sungah zong kong pia kei ding hi,” ci-in kiciamna a hong pia sim hi.

Mattiu 22:16

Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no a dangte khempeuh unau khat na hi uh hi.

Marka 12:14

Amaute in, “Sia aw, nangmah in thutang genin, midangteʼ pau ding phamawh na sak lohna, ulianteʼ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Johan 1:38

Jesu kihei a, amau tegel in a zuih lam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai ah om na hi hiam?” ci-in a dawng uh hi.

Johan 10:38

Ahi zongin keimah in ka Paʼ na sem ka hih manin keima thu na hong um nuam lo uh ahi ta zongin, Pa tawh pum khat ka hihna thu na theih nadingun ka nasepnate na up dingun kilawm buang hi,” a ci leuleu hi.

Johan 12:37

Amauteʼ muhin Jesu in hih nalamdang khempeuh a bawl hangin amaute in um lo uh hi.

Johan 14:10

Kei pen Pa tawh pum khat ka hih lamtak um lo na hi hiam? Note tungah kong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 20:16

Tua ciangin Jesu in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Johan 3:26

Tua ahih manin Johan nungzuite a kiangah hong pai uh a, “Sia aw, Jordan Gun gal khat ah na om khawm pih ngei pa, ama thu na genna na phawk lai hiam? Tu-in amah in mi tui phumphum a, mi khempeuh in amah zuan uh hi,” ci-in a gen uh leh

Johan 4:31

Mite a hong tun ma hunsung tengin a nungzuite in, “Sia aw, an ne in,” ci-in a kun uh hi.

Johan 5:36

Ahi zongin Johanʼ teci panna sangin a lian zaw teci khat ka nei a, tua in: Ka Pa in sep dingin a hong piak tu-a ka sep thute in kei adingin teci a pang hi a, Pa in kei a hong sawl taktak ahihna hong kilangsak hi.

Johan 6:2

Jesu in cinate damsakin nalamdang lian pipi a bawlte mi tampi in mu khin uh ahih manin mi tampi tak in Jesu nung a zui uh hi.

Johan 7:31

Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Johan 9:16

Farisi mi pawl khat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawl khatte in, “A gamta khial mi in bang hangin hih bangin nalamdang bawl thei ding ahi hiam?” ci leuleu ahih manin miteʼ ngaihsutna kituak lo hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Filippi 1:14

Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

Thukhente 6:27

Tua ahih ciangin Gideon in a nasemte mi sawm paipihin, Topa in ama tungah a gen bangin a hih hi. Ahih hangin sunin a hih ding a innkuanpihte le a khua mite kihta lua ahih manin zanin a hih hi.