Johan 3:15 - Tedim Bible Revision 2017

¹⁵ amah a um mi khempeuh nungta tawntung ding hi.

Tedim Bible

¹⁵ Bang hang hiam na cih leh, amah a um mi khempeuh in nuntak tawntungna a ngah nading uh ahi hi.”

Johan 3:15 Iomraidhean Croise

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Gamlak-vakna 21:9

Tua ahih ciangin Moses in sumngo gul khat bawl a, khuam khat tungah a khai hi. Gul in mi khatpeuh a tuk leh amah in tua sumngo gul enin hing pah hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Luka 19:10

Bang hang hiam cih leh a mangthangte a zong ding le a hon khia dingin Mihing Tapa a hong pai ahi hi,” a ci hi.

Johan 1:12

Tua bang hitaseleh ama thu ngai-in amah a um mite khempeuh tungah Pasianʼ tate suah theih nading thu a pia hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 6:47

A mantakin kong genin ah, kei hong umte bek in nuntak tawntungna ngah hi.

Sawltak 8:36

Lampi ah a pai laitakun tui omna mun tung uh a, mangpa in, “Hih lai ah tui om hi. Tui kiphum nuam peuh leng kuaʼn hong kham thei ding ahi hiam?” a ci hi.

ROM (Romans) 5:21

Tua ahih manin mawhna thahatin hong sihsak mah bangin, i Topa Jesu Khris hangin Pasianʼ hehpihna thahat zaw lai a, mihoihin hong sangin nuntak tawntungna sung a hong tunpih hi.

1 KORIN MASA 1:18

Bang hang hiam cih leh sihna a thuak mite adingin singlamteh tungah Khris sihna thu pen a haihuai thu ahi hi. Ahi zongin hotkhiatna a ngah eite adingin Pasianʼ vangliatna ahi hi.

2 KORIN NIHNA 4:3

Lungdamna thu ka hilhte uh kitel lo ahihleh zong siatna a thuak mite ading bekin a kitel lo hi ding hi.

Galati 2:16

Ahi zongin Jesu Khris upna hang bek tawh Pasian tawh kipawl theihna kingahin, Thukham zuihna hang tawh kingah ngei lo hi, ci-in ka thei uh hi. Kote mahmah in zong, Khris hangin Pasian tawh ka kipawl theih nadingun Jesu Khris ka um uh a, Thukham deihna ka zuihna hang uh tawh hi lo hi. Bang hang hiam cih leh Thukham zuihna hang tawh kuamah in Pasian tawh kipawl theihna ngah zo lo hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

1 JOHAN MASA 2:25

Khris in eite tungah piak dingin a hong ciam sa thu pen hih nuntak tawntungna ahi hi.

1 JOHAN MASA 5:1

Jesu, Khris hi, ci-in a um mi khempeuh Pasianʼ tate hi a, pa a it mi peuhmah in a ta zong a it hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.