Johan 3:10 - Tedim Bible Revision 2017

¹⁰ Jesu in, “Israel miteʼ sia hi napi-in hih thu theithei lo na hi hiam?

Tedim Bible

¹⁰ Zeisu in, “Nang in Israelte’ siapa na hi napi-in, hih thute thei lo na hi hiam?

Johan 3:10 Iomraidhean Croise

1 KHANG TANGTHU MASATE 29:19

Amah in a lungsim khempeuh tawh na thupiaknate, na teci pannate le na thukhamte kemin a vekpi-in sem a, keimah in ka vaihawm sa biakinn lianpi amah in a lam theih nadingin ka tapa Solomon tungah utna lungsim guan in,” a ci hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Late 51:6

Nang in nuntakna sungah thumanna na deih hi. Tua ahih ciangin ka lungsim tawng ah ciimna hong hilh in.

Late 73:1

Israel mite bangin a lungsim a siangtho a thutang mite tungah Pasian hoih takpi hi.

Isaiah 56:10

Amauʼ galvilte a mit uh taw a, amaute khempeuh in bangmah thei lo uh hi. Amaute khempeuh ui ham thei lo inncing tawh kibang uh a, amaute in tawng thei lo uh hi. Mot paupau, lumlum, lu susu in om ding bek nuam a sa uh hi.

Isaiah 9:16

Bang hang hiam cih leh hih minam a makaihte in lam khialsak a, amauʼ makaih mite in siatna ngah uh hi.

Jeremiah 31:33

Ahih hangin Topa in kong cih in ah, tua hun hong tun ciangin Israel minamte tawh hih bangin thuciamna ka bawl ding hi: Amauteʼ sungah ka thukham ka koih dinga, amauteʼ lungtang tungah ka gelh ding hi. Kei pen amauteʼ Pasian ka hi dinga, amaute pen keima mite ahi ding uh hi.

Ezekiel 11:19

Amaute tungah lungsim thak le ngaihsutna thak ka pia ding hi. Amauteʼ suang lungtang paih khiatsakin mihing lungtang ka guan ding hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Mattiu 22:29

Ahi zongin Jesu in, “Note in Lai Siangtho thu ahi a, Pasianʼ vangliatna ahi zongin thei lo na hih manun na ngaihsun khial uh hi.

Luka 2:46

A ciah zawh uh a ni thum ni ciangin biakinn sungah amah mu uh a, siate lakah tu-in a thugen uh ngai-in, thu zong dong zelin a om a mu uh hi.

Luka 5:17

Khat vei, Jesu in thu hilhin a om laitakin, Galilee gam, Judea gam le Jerusalem khua pan hong pai Farisi-te le Thukham hilh siate pawl khat tua lai munah a tu uh hi. Jesu tungah cina damsak theih nading Pasianʼ vangliatna kipia hi.

Johan 3:9

Tua ciangin Nikodemas in, “Hih thu bangci pian theih mawk ding ahi hiam?” ci-in a dot ciangin

Sawltak 5:34

Ahi zongin amaute sung panin Farisi mi Gamaliel, Thukham hilh sia khat ahi, mi khempeuh in zong a zahtak bawl mipa khat hong dinga, tawl khat sung sawltakte a kipusuah pih nadingin thu pia a,

ROM (Romans) 2:28

Bang hang hiam cih leh a pualam bek a Jew mi hihna le a pualam vun ki-atna lel bek in Jew mi taktak suaksak zo lo hi.

Thu-hilhkikna 10:16

Tua ahih ciangin Topaʼ thu mang unla, lungkhauh nawn kei un.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hin theih nadingun, Topa na Pasian un note le na suanlekhakte uh tungah thu man nopna lungsim hong guan ding hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrisʼ vun-atna ahi mawhnopna lungsim tawh kipelhna a ngah khinta na hi uh hi.