Johan 21:5 - Tedim Bible Revision 2017

⁵ Jesu in amaute kiangah, “Tangvalte aw, ngasa na man uh hiam?” ci-in a dot leh amaute in, “Bangmah ka man kei uh hi,” ci-in a dawng uh hi.

Tedim Bible

⁵ Tua lai takin Zeisu in, “Ka taneute aw, ngasa na man uh hiam?” ci-in a dot ciangin, “Ka man het kei uh hi,” ci-in a dawng kik uh hi.

Johan 21:5 Iomraidhean Croise

1 KUMPI MASATE 19:6

Amah khuadak a, ama lutang gei suang sa tungah a ki-em moh khat le tui hai khat na om hi. Amah in tuate ne-in dawnin lumkik hi.

Late 37:3

Topa muang inla, gamtat hoih in. Gam nuamah teeng inla, thumanin om in.

Mattiu 14:15

Ni a tum kuan ciangin nungzuite in Jesu kiangah, “Hih lai mun gamlak hi a, ni zong tum dektak ta hi. Hih kiimnai-a om khuate ah mite va pai-in a an ding uh a lei nadingun sawl khia in,” a ci uh hi.

Marka 8:7

Ngasa neu tawm khat zong nei uh ahih manin Pasian tungah lungdamna a koh khit ciangin hihte zong mipite mai ah a lui nadingun a nungzuite a sawl hi.

Filippi 4:19

A na ka sep i Topa Pasian in ama hauhna tawh kizui-in Khris Jesu hangin noteʼ kitangsapna khempeuh hong pia ding hi.

Hebru 13:5

Sum deih luatna tawh na kipelh nadingun na nuntakna uh ah kikem unla, na neihzah uh tawh lungkim un. Pasian in, “Note ka hong nusia ngei kei dinga, ka hong tamasak ngei kei ding hi,” hong ci hi.

1 JOHAN MASA 2:13

Pate aw, a kipat cil a kipanin a na om pa thei na hih manun lai a hong gelh ka hi hi. Tangvalte aw, Dawimangpa zo khin na hih manun lai a hong gelh ka hi hi. Tate aw, Pa Pasian thei taktak na hih manun lai a hong gelh ka hi hi.

1 JOHAN MASA 2:18

Tate aw, tu-in hun tawpna hong nai ta hi. Khrisʼ Gal hong pai ding hi, ci-in na zak sa uh mah bangin tu-in Khrisʼ gal tampi tak hong tung khinta hi. Tua ahih ciangin bei nading nai taktak ta hi, ci-in i thei hi.