Johan 20:16 - Tedim Bible Revision 2017

¹⁶ Tua ciangin Jesu in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Tedim Bible

¹⁶ Zeisu in, “Mari aw,” a cih ciangin Mari kihei a, Hebru kamin, “Rabboni aw,” a ci hi. Rabboni a khiatna in ‘Topa’ a cihnopna hi.

Johan 20:16 Iomraidhean Croise

Piancilna 22:1

Hih thute khit ciangin Pasian in Abraham ze-et a, ama kiangah, “Abraham,” a ci hi. Amah in, “Hiah om ing,” a ci hi.

Piancilna 22:11

Ahih hangin Topaʼ vantungmi in vantung panin, “Abraham, Abraham!” ci-in a sam hi. Amah in, “Hiah om ing,” a ci hi.

Piancilna 45:12

“Noteʼ kiang a thu hong gen pen keima kam ahihna tu-in noteʼ mitin nong mu uh a, ka sanggampa Benjaminʼ mit in zong hong mu hi.

Paikhiatna 3:4

Tua thu a thei dingin amah a paina Topa in a muh ciangin, sawlpang kawm panin Pasian in amah sam a, “Moses, Moses!” a ci hi. Amah in, “Hiah om ing,” ci hi.

Paikhiatna 33:17

Topa in Moses kiangah, “Nangma gen sa hih thu mahmah keimah in ka hih ding hi. Bang hang hiam cih leh ka muhna ah nang in maipha na ngah zo a, na minin nang kong thei hi,” a ci hi.

Solomon la 3:4

Khua sung cingte tawh ka kikhen khit phetin ka ngaihno tawh ka kimu hi. Amah kawi-in ka lencip a, ka pianna ka nuʼ inn dei sung, ka nuʼ inn dong ka tunpih mateng ka khah kei hi.

Solomon la 5:2

Ka lup hangin ka lungsim ihmu lo a, ka ngaihno in ka kong hong kiuh ka za hi. Itluat ngaihno ka lungtup aw, kei hong tumsak in. Ka lu tungah daingo kia a, meii zun in ka sam kawtsak hi.

Isaiah 43:1

Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

Mattiu 14:27

Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Marka 10:51

Jesu in, “Bang kong hihsak ding deih na hi hiam?” ci-in a dot ciangin mittaw pa in, “Sia aw, khua ka mukik thei nuam hi,” a ci hi.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Johan 1:38

Jesu kihei a, amau tegel in a zuih lam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai ah om na hi hiam?” ci-in a dawng uh hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 10:3

Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuahkhiat pih hi.

Johan 11:28

Tua khit ciangin Martha a inn ah va tai-in a naunu Mary va huausim a, “Siapa hong pai a, nang hong sam hi,” a ci hi.

Johan 13:13

Note in kei pen Siapa le Topa, na hong ci uh hi. Na hong cih uh mah bangin a man ka hi hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Johan 5:2

Jerusalem khua sung Tuu Kongpi a kici gei ah Hebru pau-in Beth-zatha a kici bual khat om a, tua bual kimkot ah talap nga a om hi.

Johan 6:25

Tui gal khat ah Jesu a muh uh ciangin, “Sia aw, bang hunin hih lai na tung na hi hiam?” a ci uh hi.

Sawltak 10:3

Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 9:4

Saul, leilak ah puk suk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

1 SAMUEL MASA 3:10

Topa hong pai-in hong dinga, a hun dangte-a mah bangin, “Samuel! Samuel!” ci-in a sam hi. Tua ciangin Samuel in, “Hong gen in, na nasem pa in za hi,” a ci hi.

1 SAMUEL MASA 3:6

Tua ciangin Topa in samkikin, “Samuel!” a ci hi. Samuel tho-in Eli kiangah pai-in, “Hih lai ah om ing, nong sam hi,” a ci hi. Ahih hangin amah in, “Kong sam kei hi, ka tapa aw; lumkik in,” a ci hi.