Johan 20:13 - Tedim Bible Revision 2017

¹³ Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai ah koih ahi uh hiam, cih ka thei kei hi,” ci-in a dawng hi.

Tedim Bible

¹³ Amaute in, “Numei aw, bang hangin kap na hi hiam?” ci-a a dot uh ciangin Mari in, “Ka Topa a paikhiatpih zo uh a, koi-ah a koih uh cih ka thei kei hi,” a ci hi.

Johan 20:13 Iomraidhean Croise

Thuhilh-sia 3:4

Kah hun om a, nuih hun om hi. Dah hun om a, laam hun om hi.

Jeremiah 31:16

Topa in kong cih in ah: “Kap nawn kei unla, na khitui uh nul un. Bang hang hiam cih leh Topa in kong cih in ah, na nasep thaman uh na ngah uh hi. Amaute galteʼ gam panin hong ciahkik ding uh hi.

Luka 24:17

Jesu in, “Na lam paikawmun bang gengen na hi uh hiam?” ci-in a dong hi. Amau tegel zong din khawl pah uh a, a maisuah uh dahmai mahmah lai hi.

Johan 19:26

Jesu in ama nu le a it a nungzui pa a ding khawm a muh ciangin a nu kiangah, “Nu aw, tua lai ah na tapa om hi,” a ci hi.

Johan 2:4

Tua ciangin Jesu in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi.

Johan 20:15

Jesu in, “Numei aw, bang hangin kap na hi hiam? Kua zong na hi hiam?” ci-in a dot ciangin Mary in huan cing pa sa ahih manin, “Sia aw, amah na puakkhiat leh koi lai ah koih na hi hiam hong gen in. A luang ka la nuam hi,” a ci hi.

Johan 20:2

Amah zong tai-in Simon Peter le Jesu in a it a nungzui pa kiangah, “Amaute in hankhuk panin i Topa la khia khin uh a, koi lai ah koih ahi uh hiam, cih ka thei kei uh hi,” a ci uh hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua ah khihcipna a thuak ding bek hi loin, Topa Jesu hangin a si ding ciang dongin a kithawi sa ka hi hi,” ci-in a hong dawng hi.

1 SAMUEL MASA 1:8

Tua ciangin ama pasal Elkanah in, “Hannah aw, bang hangin kap na hi hiam? Bang hangin an ne lo na hi hiam? Bang hangin na lungsim dah ahi hiam? Kei pen tapa sawm sangin nang adingin hoih zaw hi lo ka hi hiam?” a ci hi.