Johan 2:23 - Tedim Bible Revision 2017

²³ Paisan Pawi hun laitakin Jerusalem khua sungah Jesu a om sungin Jesu in vangliatna tawh nalamdang a bawlte mu uh ahih manin mi tampi in amah a um uh hi.

Tedim Bible

²³ Paisan pawi sung Jerusalem khua-ah a om lai takin, Zeisu in nalamdang a lahte mi tampi in a muh uh ciangin Zeisu a um uh hi.

Johan 2:23 Iomraidhean Croise

Luka 8:13

Suang kitawphah leilak a tukna munte pen Pasianʼ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawl khat sung bek um uh a, ze-etna hun a tun ciangin a puk uh hi.

Johan 11:45

Tua ahih manin Mary kiangah hawhin Jesuʼ hihna a mu Jew mi tampi in amah a um uh hi.

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 2:13

Jew miteʼ Paisan Pawi hun hong nai ta ahih manin Jerusalem khua ah Jesu a pai hi.

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Johan 4:45

Paisan Pawi hun laitakin Jerusalem ah Galilee mite va pai-in, tua pawi sungah Jesuʼ septe khempeuh mu khin uh ahih manin, Jesu a tun ciangin Galilee mite in na limbawl mahmah uh hi.

Johan 5:36

Ahi zongin Johanʼ teci panna sangin a lian zaw teci khat ka nei a, tua in: Ka Pa in sep dingin a hong piak tu-a ka sep thute in kei adingin teci a pang hi a, Pa in kei a hong sawl taktak ahihna hong kilangsak hi.

Johan 6:14

Jesuʼ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 6:2

Jesu in cinate damsakin nalamdang lian pipi a bawlte mi tampi in mu khin uh ahih manin mi tampi tak in Jesu nung a zui uh hi.

Johan 7:31

Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

1 JOHAN MASA 3:23

Ama hong thupiakna in: A Tapa Jesu Khris umin zui-in, Khrisʼ hong sawl bangin eite khatlekhat i ki-it ding ahi hi.