Johan 2:18 - Tedim Bible Revision 2017

¹⁸ Tua ciangin Jerusalem khua ah a om Jew uliante Jesu kiangah hong pai uh a, “Hih bangin na gamtat theih nading thu na neihna bang lim tawh hong lak thei ding na hi hiam?” ci-in a dot uh ciangin

Tedim Bible

¹⁸ Tua ahih ciangin Judah mite in, “Nang in hih bang na hihna tawh bang nalamdang hong lak na hi hiam?” a ci uh hi.

Johan 2:18 Iomraidhean Croise

1 KUMPI MASATE 13:3

Tua ciangin tua ni mahin amah in lim khat pia a, “Hih pen Topa in thu a gen khitna lim ahi hi: ‘En in, biakna tau kitam khamin a tunga om vutte kithehthang ding hi,’ ci hi,” a ci hi.

Paikhiatna 7:9

“Faro in note kiangah, ‘Note a thutak na hihna uh nalamdang khat tawh hong lak un,’ hong cih ciangin nangmah in Aaron kiangah, ‘Gulpi khat a suah theih nadingin na ciangkhut la inla, Faroʼ mai ah khia suk in,’ ci in,” a ci hi.

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Marka 8:11

Farisi mite hong pai-in Jesu tawh thu kinial uh a, amah a mawhsak theih nading uh a deihna-in Pasian tawh kipawl ahihna a lah nadingin lim khat a lah ding a ngen uh hi.

Luka 11:29

Mihonte in Jesu hong neh semsem uh a, Jesu in zong a thugen zomlai-in, “Tu hun mite gilo mahmah uh hi. Amaute in lim lamdang ngen uh a, ahi zongin Jonah lim sim loh a dang kipia lo ding hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 1:25

Amaute in Johan kiangah, “Nang pen Khris lah hi lo, Elijah lah hi lo, kamsang lah hi lo na hih leh bang hangin tuiphum mawk na hi hiam?” ci-in a dot uh ciangin

Johan 6:30

Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Sawltak 4:7

Amauteʼ mai ah sawltak tegel dingsak uh a, “Kuaʼ vangliatna le kuaʼ min tawh hih bangin na sem na hi uh hiam?” ci-in a dong uh hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.