Johan 2:13 - Tedim Bible Revision 2017

¹³ Jew miteʼ Paisan Pawi hun hong nai ta ahih manin Jerusalem khua ah Jesu a pai hi.

Tedim Bible

¹³ Judah mite’ Paisan pawikham hun ahih ciangin, Jerusalem khua-ah Zeisu a paito hi.

Johan 2:13 Iomraidhean Croise

Nehemiah 13:8

Hih thu ah lungkim het lo ka hih manin inn dei sung panin Tobiahʼ van teng ka lawn khia hi.

Mattiu 21:12

Tua ciangin Pasian biakna innpi huang sungah Jesu lut a, tua sungah van zuak van lei-a a om mi khempeuh a hawl khia hi. Sumkhek nasemin a om miteʼ sabuai le vakhu zuakteʼ tutnate a lumletsak gawp hi.

Marka 11:15

Jerusalem khua a tun uh ciangin, biakinn huang sungah Jesu lutin tua sungah sumzuak sumlei a a omte hawlkhiat ding kipan a, sumkhekteʼ sabuaite lumlet sakin, vakhu zuakteʼ tutphahte sawn paihsak hi.

Luka 19:45

Tua ciangin biakinn sungah Jesu lutin a sunga om sumbukte hawlkhiat ding kipan a,

Luka 2:41

Kum simin Jerusalem khua-a Paisan Pawi a kibawlna ah Jesuʼ nu le pa a pai zel uh ahi hi.

Johan 11:55

Jew miteʼ Paisan Pawi hun hong nai ciangin, tua pawi kipat ma hun sungin biakna vai-in kisiansuahna a bawl dingin gam sung khuate panin Jerusalem khuapi ah mi tampi hong pai uh hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 2:23

Paisan Pawi hun laitakin Jerusalem khua sungah Jesu a om sungin Jesu in vangliatna tawh nalamdang a bawlte mu uh ahih manin mi tampi in amah a um uh hi.

Johan 5:1

Tua khit ciangin, Jerusalem khua ah Jew mite biakna pawi kibawl ahih manin Jesu zong a pai hi.

Johan 6:4

Jew miteʼ Paisan Pawi hun nai mahmah ta hi.

Thu-hilhkikna 16:16

“Amah in a teelna mun, Topa na Pasian uh mai ah pasal khempeuh kum khatin thum vei, silngo sawh loh anlum pawi, nipikal pawi le buk pawi ah kilaak ding uh hi. Amaute khut hawmguakin Topaʼ mai ah kilak lo ding uh hi. Topa na Pasian un note thupha hong piaknasa tawh kizui-in mi khempeuh in ama hih theih bang ciatin pia ding uh hi.