Johan 19:7 - Tedim Bible Revision 2017

⁷ Jew mihonte in, “Amah Pasianʼ Tapa-in kigen ahih manin a kithah theih nading Thukham ka nei uh hi,” ci-in a genna uh

Tedim Bible

⁷ Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Johan 19:7 Iomraidhean Croise

Isaiah 53:4

“Amah in eiteʼ natna teng thuakin, eiteʼ gimna teng pua khin taktak hi. Ahi zongin eite in amah pen ama mawhna hangin Pasian in a gimsak, gimna a thuak bangin i ngaihsun hi.

Siampi Laibu 24:16

Topaʼ min a gen sia mipa kithat ding hi. Mihonte khempeuh in amah deng lum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

Marka 15:39

Jesuʼ mai ah a ding galkap mangpa in tua bangin kiko-in a laitah a muh ciangin, “Hih pa, Pasianʼ ta taktak ahi hi,” a ci hi.

Johan 19:8

Pilat in a zak ciangin a lunghimawh semsem hi.

Johan 5:18

Hih bangin ama kampauna hangin amaute in Jesu that nuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

Sawltak 18:13

Amaute in, “Hih mipa in ngeina om lopi-in mite in Pasian a biak nadingin zol ding hanciam hi,” a ci uh hi.

ROM (Romans) 1:4

Kha Siangtho thu lamsang ah ci lehang misite lak panin vangliatna tawh a thawhsakkikna hangin Pasianʼ Tapa ahihna thu Pasian in a kilangsak hi.

Thu-hilhkikna 18:20

Ahih hangin keimah in thugen dingin thu pia lo napi-in keima min tawh thu a gen ngam kamsang pa hitaleh pasian dangteʼ min tawh thu a gen pa hitaleh, tua bang mite si ding hi,’ hong ci hi.