Johan 19:5 - Tedim Bible Revision 2017

⁵ Tua ahih manin Jesu zong ling lukhu khu kawm leh puansan silh kawmin hong pusuak a, Pilat in mihonte kiangah, “En un, hih lai ah na mipa uh om hi,” a ci hi.

Tedim Bible

⁵ Tua ahih ciangin, Zeisu in ling lukhu khu-in, puanza san silhin a paikhia hi. Pilat in, “En un, hih pa,” a ci hi.

Johan 19:5 Iomraidhean Croise

Isaiah 40:9

Jerusalem aw, mual sang dawnah kah to-in lungdamna thu kiko in. Zion aw, nakpi takin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Isaiah 43:1

Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Kah la 1:12

A kiim a pam ah a pai mi khempeuh kiangah, “Hong en in, keiʼ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Mattiu 27:29

Kumpi lukhu lim dingin ling vialin a lu ah khusak uh a, a khut tak lamah pumpeeng khat a tawisak uh hi. Tua ciangin ama mai ah khukdin uh a, “Jew miteʼ Kumpipa aw,” ci-in zahpihna tawh a hopih uh hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 19:2

Galkapte in a kumpi lukhu dingin ling vialin Jesu khusak uh a, a kumpi puan dingin puansan a silhsak khit uh ciangin

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.