Johan 18:5 - Tedim Bible Revision 2017

⁵ Amaute in, “Nazareth khuami Jesu a zong ka hi uh hi,” a ci hi. Jesu a lehhek Judas zong tua mihonte tawh hong ding khawm hi.

Tedim Bible

⁵ Amaute in, “Nazareth mi Zeisu ka zong uh hi,” a cih uh leh, “Kei tua pa ka hi hi,” a ci hi. A lehheekpa Judas in amaute tawh a ding khawm hi.

Johan 18:5 Iomraidhean Croise

Isaiah 3:9

Amauʼ maipuak in amauʼ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah tahen! Bang hang hiam cih leh amaute in amauʼ tung mahah siatna kitun uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Mattiu 21:11

Mihonpite in, “Galilee gam Nazareth khua pan a kamsang Jesu hi,” ci-in a dawng uh hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cih san hi. Ahi zongin Filip in, “Hong pai inla, hong mu dih in,” a ci hi.

Johan 18:4

Jesu in zong ama tungah a piang ding thu khempeuh thei khin ahih manin hong pai khia-in amaute kiangah, “Kua zong na hi uh hiam?” ci-in a dong hi.

Johan 18:6

Jesu in, “Keimah ka hi hi,” a cih ciangin amaute nungkinin a puk uh hi.

Johan 19:19

Pilat in lai khat gelhsakin, “Jew miteʼ Kumpipa, Nazareth khuami Jesu,” cisak a, singlamteh tungah a suangsak hi.