Johan 18:1 - Tedim Bible Revision 2017

¹ Jesu in tu-a bangin thu a nget khit ciangin a nungzuite tawh Kidron lui kantanin a pai hi. Tua lai ah huan khat om a, tua huan sungah a nungzuite tawh a lut hi.

Tedim Bible

¹ Zeisu in hih bangin thu a nget khit ciangin, a nungzuite tawh tua mun nusia-in Kidron Kuam a kantan uh hi. Tua kuam galkhat ah Oliv huan khat a om hi; tua huan sungah amah leh a nungzuite a lut uh hi.

Johan 18:1 Iomraidhean Croise

Piancilna 2:15

Topa Pasian in mipa la-in, Eden huan kho-in a kem dingin a koih hi.

Piancilna 3:23

Tua ahih ciangin Topa Pasian in, amah a kipiansakna leitang a kho dingin Eden Huan panin mipa a sawl khia hi.

2 SAMUEL NIHNA 15:23

Tua ahih ciangin mi khempeuh a pai laitakin gam sung mi khempeuh a gingin kap khia uh a, kumpipa in Kidron lui kantanin, mi khempeuh zong gamlak lamah a paisuak uh hi.

1 KUMPI MASATE 15:13

Amah in Asherah milim dingin a kibawl a kihhuai milim khat nei ahih manin kumpinuʼ nu hihna panin a pi Maakah zong khiin khia hi. Tua hi a, Asa in tua nuʼ milim phukin Kidron lui ah a hal hi.

1 KUMPI MASATE 2:37

Bang hang hiam cih leh nang pai khia-in Kidron lui na kantan ni-in na sih ding teltakin thei in; na sih leh nangma khialhna hang hi ding hi,” a ci hi.

2 KUMPI NIHNATE 23:12

Tua ciangin Judah kumpite in a bawl sa, Ahazʼ inn dei tungnung khum zanga a om biakna taute le Topaʼ biakinn tual nihte sungah Manasseh in a bawl sa biakna taute, amah in phelin satnen a, tua a vuite Kidron lui ah a paai hi.

2 KUMPI NIHNATE 23:4

Tua ciangin kumpipa in siampi lianpen pa Hilkiah le a nihna siampi le kongcingte in Topaʼ biakinn sung panin Baal le Asherah nusian milim adingin a kibawl nazatte khempeuh le vantung a om nate khempeuh biak nadingin a kibawlte hong paikhiatpih nading uh thu a pia hi. Amah in Jerusalem pualam Kidron leikang halna munah tuate halin a vute Bethel khua ah a pua hi.

2 KUMPI NIHNATE 23:6

Tua ciangin amah in Topaʼ biakinn panin Jerusalem pualam, Kidron lui ah Asherah nusian milim paikhiat pihin hal a, tua ciangin amah in sat vui-in mi nautangteʼ han tungah a vuite lawn hi.

2 KHANG TANGTHU NIHNATE 15:16

Ama nu Maakah in Asherah milim dingin a kihhuai milim khat a bawlna hangin kumpipaʼ nu hihna za panin kumpi Asa in a nu a la khia hi. Asa in a nuʼ milim phuksakin satnen a, Kidron lui ah a hal hi.

2 KHANG TANGTHU NIHNATE 29:16

A puahsiang dingin Topaʼ biakinn sung tawng nung ah a siampite lut uh a, Topaʼ biakinn sunga a muh uh a nin khempeuh Topaʼ biakinn tual ah hong paikhiatpih uh hi. Tua ciangin Levi mite in la-in Kidron lui ah pua khia uh hi.

2 KHANG TANGTHU NIHNATE 30:14

Amaute nasem dingin kipanin Jerusalem-a biakna taute hem khia uh a, paknamtui hal nading biakna taute khempeuh amaute in la khia-in Kidron kuamah paai uh hi.

Nehemiah 2:15

Tua hi a, a zanpi mahin kuam lampi ah pai-in khuapi kulh ka vel hi. Tua ciangin Kuam Kongpi mah tawnin khuapi sungah ka lutkik hi.

Jeremiah 31:40

Misi luanghawmte le vutte a kibuakna kuam buppi le Kidron lui phak ma-a loteng khempeuh tawh, tua panin nisuahna lam a Sakol Kongpi kiu ciang dong, Topa adingin mun siangtho a suak ding hi. Cikmah ciangin tua khuapi kisusia nawn lo dinga, a kisuan khia ngei nawn kei ding hi,” a ci hi.

Siampi Laibu 2:6

Balnenin a tungah sathau na sung ding hi. Tua pen an tawh biakna ahi hi.

Mattiu 26:30

Tua ciangin la khat sa uh a, Oliv Mual tungah a pai uh hi.

Mattiu 26:36

Tua ciangin Jesu a nungzuite tawh Gethsemane a kici munah pai-in amaute kiangah, “Hua lamah pai-in thu ka va nget kal sungteng hih lai ah na om un,” a ci hi.

Marka 14:26

Amaute in la khat a sak khit uh ciangin Oliv Mual ah a pai uh hi.

Marka 14:32

Tua lai panin Gethsemane a kici munah pai-in a tun uh ciangin Jesu in a nungzuite kiangah, “Thu ka va nget hun sungteng hih lai ah na om un,” a ci hi.

Marka 14:42

Tho un; pai ta ni. Kei hong lehhek pa hih lai ah hong tung ta hi,” a ci hi.

Johan 14:31

Ahi zongin leitung mite in Pa Pasian ka itna thu a theih nadingun Paʼ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 18:26

Tua ciangin siampi lianpen paʼ nasem, Peter in a bil a sat khiatsak paʼ behte khat in, “Huan sungah amah tawh na om khawm lai-un hong mu hi lo ka hi hiam?” a cih ciangin,

Sawltak 21:11

Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.