Johan 17:9 - Tedim Bible Revision 2017

⁹ “Amaute adingin thu ka hong ngetsak hi. Leitung mite adingin a hong ngetsak hi loin keima khut sungah na hong piak mite nangma mi ahih manin tua mite adingin a hong ngetsak ka hi hi.

Tedim Bible

⁹ Amaute ading thu ka ngen hi. Leitung mite ading thu ka ngen kei hi. Na hong piak mite in nangma mi ahih man-unah amau ading thu ka ngen hi.

Johan 17:9 Iomraidhean Croise

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Luka 23:34

Ahi zongin Jesu in, “Pa aw, amaute in bang hih ihi hiam cih thei lo uh ahih manin a mawhna uh na maisak in,” a ci hi. Tua ciangin amauʼ ngah ding ciat a theih nadingun aisanin a puante a hawm uh hi.

Luka 8:34

Vokcingte in hih thupiang a muh uh ciangin amaute tai-in khua sung le gam sung tengah a zasak uh hi.

Johan 14:16

Keimah in Pa kiangah ka ngen dinga, note tawh a om khawm tawntung dingin Thuman a hong lak Kha Siangtho, note hong Huhpa ding a hong pia ding hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Johan 17:20

“Hih mite ading bek thu a hong ngetsak ka hi kei a, amauteʼ thugenna hangin kei hong um mite ading zong a hong ngetsak ka hi hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 6:37

Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.

Johan 6:39

Kei hong sawl paʼ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Hebru 9:24

Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.

1 JOHAN MASA 5:19

Leitung midang khempeuh Dawimangpaʼ khut sungah a om ahi zongin eite pen Pasianʼ mi ihihna thu i thei hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.