Johan 17:10 - Tedim Bible Revision 2017

¹⁰ Keima neih khempeuh nangma aʼ hi a, nangma neih khempeuh keima-aʼ ahih manin, tua miteʼ hangin nangma pianzia ka neihna hong kilang hi.

Tedim Bible

¹⁰ Ka neihsate khempeuh nangma’ aa ahi hi. Nangma neihsate khempeuh keima’ aa ahi hi. Amaute hangin minthan’na ka ngah hi.

Johan 17:10 Iomraidhean Croise

Johan 10:30

Kei le ka Pa pum khat ka hi uh hi,” ci-in a dawng hi.

Johan 11:4

Ahi zongin Jesu in tua thu a zak ciangin, “Hih natna pen sih nading natna hi lo a, Pasianʼ Tapa in Pasianʼ pianzia a neihna mite in a theih nading le Pasian a phat theih nadingin a na ahi hi,” a ci hi.

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuʼ min nakpi takin a kiphat semsem hi.

Galati 1:24

Tua hi a, keima tunga thupiang hangin amaute in Pasianʼ min a phat uh hi.

Filippi 1:20

Ka si a, ka hing zongin, a diakdiakin tu a kipanin a tawntungin midangte in Khris phat theih nading lungsim hanna a neih theih nadingun ka lungsim le ka pumpi tawh keima tavuan ka lelh het loh nading pen ka deihdeih, ka lam etet bulpi ahi hi.

Kolose 2:9

Bang hang hiam cih leh mihing hong suahna sungah Khris in Pasianʼ pianzia khempeuh a kimtakin nei a,

2 THESALONIKA NIHNA 1:12

Tua hileh, eiteʼ Pa Pasian le Topa Jesu Khris hong hehpihna hangin note in ama tung panin minthanna ngahin, ama min zong a thangsak na hi ding uh hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.